大封面
馬場斷正 63歲劉松仁背妻黐富婆
2012年11月02日
重口味電視劇《名媛望族》中，飾演鍾卓萬的劉松仁嗜好周旋女人堆，即使他已娶了四位老婆，依然心癢癢要娶五奶，風流到極。
人生如戲，劉松仁現實生活同樣風流。行徑神秘的他，縱然與細他 20年的空姐太太結婚廿載，但他素來拒提家庭事，傳媒更甚少拍得他和太太的婚姻生活。老婆冇影，相反近年劉松仁身邊卻出現不少女伴，位位均是疊水熟女。
本刊早前便拍得劉松仁繑實一名年約三十多歲，樣貌娟好的女子現身沙田馬場。正當記者舉機影相時，機警的劉松仁便立即彈開，更愈行愈遠。記者發現該名女子的手袋上掛有會員證章，估計她是馬主親屬，真正出身名門望族。
今年 63歲的劉松仁，有心有力，寶刀未老。
人不風流枉少年， 63歲的劉松仁依然風流倜儻，吸女指數甚高。早前他接受訪問時亦承認天生風流：「怎會不風流過？再行差踏錯多半步已足夠身敗名裂。」
黐富婆有前科
07年初，本刊拍得劉松仁與富婆盧茵茵到中環 shopping，由女方找數，埋單近 2萬。事後有眼利讀者爆盧原來是人妻，與丈夫朱偉基同為中國古代文物的收藏家。
馬會會員須付年費 12萬 5千、月費 360元，就可獲得右圖的會員證章。每位會員入會後獲得一大兩細證章，大章由會員持有，細章則為「可轉用會員證章」，可由會員交俾親屬取用。每年證章顏色不同，上季為粉藍色，今季則轉為啡色。
繑實離開私人包廂
今年 1月 25日，大年初三，沙田馬場正值舉行一年一度的賀年盃，全港馬迷蜂擁而至。場內投注區人頭湧湧，記者發現鮮有現身馬場的劉松仁，竟然在人堆中出現，身旁更有一名長髮女子，熱情地繑住劉的手臂，雙雙由私人廂房行去投注區。短短廿步的路程，二人邊行邊笑，劉松仁衣著打扮風度翩翩，絕對不像真實年齡。記者舉機影相之際，一向甚少跟記者交手的劉松仁，警覺性異常高，立即鬆開該名女子雙手，彈到老遠，但卻 keep住牽強笑容；反而女子則面露驚慌，雙手舉起下意識掩面，似乎怕被人認出。最後二人前後腳由投注區行入只供馬會會員進入的瞭望台區域。直至當日賽事結束，記者未再發現他們蹤影，看來二人應該從秘道離開馬場。
劉松仁的新女伴年約三十多歲，皮膚白皙，當日她挽住價值三萬多元的 Chanel手袋上就掛有一個粉藍色的「馬會會員證章」。一名活躍馬場的人士向記者透露：「呢個粉藍色證章係上季，今季（自本年 9月 8日起）已經轉用啡色。會員可以憑證章自由出入馬場嘅私人廂房同貴賓室，每位會員都可以幫朋友臨場購買入場證章，等佢哋嘅朋友都可以享用會員嘅權利。」該名女子持有的證章，由於形狀較小，屬於會員提供給親屬的「可轉用會員證章」，不過能夠擁有證章的人始終非富則貴，看來該女子多系出名門。
其實劉松仁一向擅長冧名媛，早於 07年，本刊就拍得劉松仁和富婆盧茵茵在中環 IFC置新裝。當時記者發現劉揀選了幾套價值過萬的名牌西裝，均由盧俾錢埋單。
夫妻各有各生活
絕口不提老婆
生性風流的劉松仁在訪問中提及他對婚姻的看法，他說：「我原本認為我不需要結婚，一個人生活也很好，那樣我可以自得其樂。」不過一趟溫哥華之旅，劉松仁邂逅了當時任職國泰空姐的蘇嘉燕， 92年劉低調與蘇結婚。一程機就能將空姐收歸己用，劉松仁冧女的確有一手。
縱然由單身寡佬變做老襯，但劉松仁結婚廿年來，提老婆和家事少之又少，其身邊密友透露：「松哥（劉松仁）唔會講私人事，同劇啲新人連佢有老婆都唔知。有次大家拍完煞科戲去慶功，其中一位演員問松哥放假有冇同老婆去旅行，點知松哥詐聽唔到，睬都冇睬嗰位演員。」
劉松仁與老婆結婚至今已經廿年，縱然任職國泰空姐的劉太，近年已晉升至主管級，不用長期四圍飛，但劉松仁近年劇集一部接一部，甚至北上拍內地劇，兩公婆聚少離多。
老婆唔見蹤影
連日來，記者於劉松仁位於何文田寓所守候，均未發現劉太蹤影，反而劉松仁卻經常出動，除單拖返教會外，周一（ 29日）更到銅鑼灣，帶年紀老邁的母親睇醫生。
周三（ 10月 31日），記者致電劉松仁，他透過中間人先向本刊記者了解問題內容。劉得悉問題，約十五分鐘後，終回覆記者，明顯有備而來。
記：記者劉：劉松仁
記：我 哋想問番你少少 嘢！
劉：（冷笑 3秒）你保住我老人家，好似我呢 啲老人家冇邊幾個。
記：年初時候見到個女仔……
劉：係呀！（未等記者講完已插嘴）
記：你同個女仔好親熱咁，繑住手入馬場，其實係邊個 嚟？
劉：我有個助手佢 喺上海落 嚟，咁同埋 啲朋友就入馬場。咁呢…個朋友呢就係我呢個朋友…（用力） 嘅女！
記：你同呢個朋友都好熟？
劉：（放低聲線）幾熟啦！唔係親戚。
記：你 哋一見記者即時彈開，好避忌，當時點解咁驚？
劉：冇彈開……因為點解呢……我同佢媽媽都俾人影過……（一輪嘴）我同呢個朋友揀衫，又俾雜誌影過，好多時我就怕誤會。
記：上次影到同你一齊揀衫嘅女士，係呢個女仔 嘅媽咪？
劉：係！好熟 㗎，成班人都好熟！
記：你成日同 啲女士咁熟，你太太會唔會呷醋？
劉：大家都識 嘅。
記：點解好少見你太太喺屋企出入？
劉：佢有佢忙，我有我忙……咁佢又要飛。（靜下來）
記：太太依家都長期飛？
劉：係呀！
記：大家聚少離多，會唔會影響感情？
劉：我 哋不嬲都係咁，今年都同佢去 咗幾次旅行，拍完戲之後去 咗四次。
拖阿媽行街
劉：同老婆保持空間
記：太太會唔會因為你 嘅緋聞同拍劇親熱戲而唔開心？
劉：（輕聲）其實我拍戲佢從來唔過問，一早已經話 咗俾佢聽，做戲唔好過問我，一過問好少 嘢都會搞到好大。好似佢 嘅 嘢，我又唔會問，大家保持空間。
其實本刊 07年拍得富婆送衫俾劉松仁後，劉則對外解釋該富婆盧茵茵只是表妹。對於今次這名新女伴，劉又解釋是盧茵茵的女兒，但又強調並非親戚。關係實在耐人尋味。
風流三十年
劉松仁練氣功多年，出名保養得宜，年屆 63歲依然魅力過人。入行 30多年的他，由小生演到中生，其間緋聞不斷，除婚後繼續與富婆來往甚密外，婚前亦曾與不少女星打得火熱。
李影突然爆婚訊
76年，他與當時麗的花旦李影撻著，二人愛得低調，連合照也不多，不過李卻是他唯一公開承認的女友。 77年，他自編自導《北鬥星》，宣傳時突然大爆打算在翌年年中與李影結婚，二人最後相戀 5年，因性格不合分手。
捧鍾楚紅做女主角
鍾楚紅 79年港姐落敗，劉松仁引薦她到自己有份投資的電影《碧水寒山奪命金》做女主角。他們於戲中大把對手戲，加上劉當時對鍾讚口不絕，二人因而鬧出緋聞。
加插米雪對手戲
劉松仁自 80年代返回亞視後，與米雪以情侶檔上陣的機會多不勝數。當時劉接拍《秦始皇》時，要求改劇本，找來米雪客串兩集，更邀米雪遠赴韓國拍攝，頭飾、服裝及對白亦由劉一手設計。當時與尹志強打得火熱的米雪，更不避嫌指永不忘記與劉松仁到韓國濟州島拍外景的情景。
廿年後翻撻趙雅芝
79年，趙雅芝與他合演《刀神》而傳出緋聞，不過當時二人矢口否認。之後趙嫁俾黃錦燊相夫教子。直至 03年，趙復出再與劉拍攝《西關大少》，當時劉因為收工後送趙返屋企而再鬧緋聞。
劉松仁忘年啜 JJ
網民裁定重口味的台慶劇《名媛望族》雖然情慾牀戲不絕，但首周平均收視只得 29點，比之前同時段的《天梯》的收視跌了兩點，令人大跌眼鏡。不過 40集長劇慢慢煲，加上劉松仁的風流史長做長有。劇中娶完楊怡做四太的劉色心未止，還會和賈曉晨（ JJ）發展忘年戀，與 JJ有幾場咀戲。
四房下場慘烈
四房為劉松仁鬥生鬥死，但最後竟然輸俾 JJ，各位姨太對劉松仁的態度不同，有些決定離婚，有些繼續死忍，但四房最終下場都係慘烈。
大婆韓馬利病死
韓馬利深知無法再獲劉松仁寵幸，決定孑然一身，可惜女兒馬賽卻與窮差佬周志文私奔，搞到身心交瘁。患上重病的韓，最後只得新抱朱晨麗照顧。
二太陳玉蓮私奔
陳玉蓮因楊怡入門而與劉松仁冷戰數月，咁啱重遇舊愛黃智賢，二人再生情愫，計劃私奔，陳最後更向劉提出離婚。
三太江美儀爭撫養權
楊怡後來居上，江美儀因而被打入冷宮。江寂寞難耐，竟然搭上草根吳卓羲，最後更要求離婚，與劉在法庭上對質，爭一對年幼仔女的撫養權。
四奶楊怡大報復
楊怡不甘劉松仁破壞承諾再搞第五個女人，於是與劉講數，結果被劉逐出家門。楊怡決定搵人對付劉，更計劃要劉家道中落，最後更發起一夫一妻制。
