搜尋此網誌

2012年10月25日星期四

[FACE]人財兩失 驚聞超雲結婚 陳山聰前妻老咗 10年

‘ 12落寞怨婦 Ponny <br><br>要照顧中過風的年老母親,冇老公一齊分擔,殘爆 Ponny等睇醫生時愁眉苦臉,唧都唔笑。


真面目

人財兩失 驚聞超雲結婚 陳山聰前妻老咗 10年

2012年10月24日

有傳 36歲陳山聰 8月歐遊時向 23歲何超雲求婚成功,兩人瞞住三太,即興去巴黎影婚照,實行先斬後奏。

何家千金答應做陳太,入豪門在望的陳山聰完全唔使做,全天候 mark實超雲,陪旅行陪出騷。條命生得好,相反山聰的 48歲前妻 Ponny(楊渡萍)則坎坷得多,自傳出雲聰戀後,幾乎人間蒸發。日前,本刊發現 Ponny與母親睇中醫時,面容憔悴雙眼無神,比以往金毛潮 look差極遠。臨老先俾仔撇,唔殘就奇啦!

自從陳山聰上年成功將超雲追到手,幫 TVB拍完最後一套劇《天梯》就冇再開工,日日陪賭王千金遊埠歎世界,生活優悠發福唔少,更升呢進駐陽明山莊,有司機車出車入。

放大圖片

48歲樹根頸

48歲 Ponny雙眼滿布紅筋,頸紋出曬嚟,一睇就知 dry到爆!

放大圖片

木無表情的 Ponny,不停 㩒電話做低頭族,唔願同人傾偈。

放大圖片

‘ 10潮爆人妻

搭上超雲前,陳山聰收入唔多,同 Ponny行街買嘢都係由女方找數。《蘋果日報》圖片

放大圖片

以前一頭金毛勁潮,現時 Ponny連微博 profile pic都換埋,最近仲寫咗句「開心,就是這麼簡單!」擺明「潤」富貴山聰。

面鬆雙下巴

放大圖片

拍《天梯》期間,陳山聰刻意同高海寧保持距離,免得超雲呷醋。《蘋果日報》圖片

好食好住,近日有傳山聰等唔切,拍拖 1年即向傳有 5億身家的超雲求婚,希望盡快箍實金蛋,而超雲上週五( 19日)出席活動時,亦親口證實有計劃結婚,「大家傳得咁勁,今晚返去諗!」

陳山聰即將入門做賭王女婿,但其前妻 Ponny則冇咁風光。上週二( 16日), Ponny與曾經中風的年邁母親去尖沙咀睇中醫,做過時裝設計師的 Ponny,當日身穿黑 tee加綠色軍褲,打扮隨意,雖剪了個齊蔭短髮 look,希望睇落後生啲,不過其鬆弛面部面頰凹陷、雙眼無神又雙下巴,樹根頸現形,殘樣老咗 10年;與以往金毛頭窩釘鞋造型相比,潮味冇曬!

心事重重

潮女變師奶, Ponny等見醫生期間亦顯得心事重重,全程低頭玩電話,甚少與身旁的母親交談,更不時扁嘴沉思零笑容。

據知與陳山聰離婚後, Ponny性格變得孤僻,最多只會上微博同好友伍詠薇、陳敏之等人傾兩句。「 Ponny同山聰分開 咗之後,搬返去葵湧公屋同媽咪住,已經好少出 嚟蒲。我哋成日叫佢一齊食飯,但佢唔係話唔舒服就話唔得閒,好似唔願出 嚟見人咁!」知情人士透露。

冇工作又要照顧年老媽媽,好心山聰照顧嚇前妻啦!

放大圖片

超雲上週五( 19日)出席 Balmain活動,向傳媒表示「婚一定會結!」山聰聽到一定安樂曬!

放大圖片

兩人經常將拍拖肉麻相放上微博,網友都話頂佢哋唔順!

放大圖片

拍拖冇耐,超雲已帶山聰返屋企見賭王,超蓮亦相當滿意未來姐夫,月頭更幫佢慶祝生日。

前妻冇運行

男人有錢就身痕,何況有錢有面的明星同富二代,更加冇本心。遇著老公唔生性有第三者,隨時人財兩失!

‘ 12落寞怨婦 Ponny <br><br>要照顧中過風的年老母親,冇老公一齊分擔,殘爆 Ponny等睇醫生時愁眉苦臉,唧都唔笑。

單親媽媽

同樊少皇 96年結婚的陳少霞,幫老公生 咗一對分別 10歲同 15歲的仔女,諗住樊少皇有妻有女會生性,努力北上拍劇賺人仔,點知今年 3月同 JJ撻著,有傳樊恐嚇前妻收口,更聲稱會娶 JJ,擺明拋妻棄子!

周身病痛

永安太子郭永淳 07年暗交餅碎楊愛瑾後, 09年 3月與伍智恆離婚。伍患有嚴重腸胃病,曾試過暈倒街頭,法庭下令郭每月須畀 4.2萬贍養費,並一筆過分 150萬給伍,但郭上訴至終院,案件仍在審理中。

賤妮硬撬

放大圖片

《忽然 1周》圖片

06年拍《學警出更》同郭羨妮撻著的陶大宇,當年不惜同妻子黃慧寶離婚,但不倫戀唔夠 1年玩完,陶大宇形象破產,事業插水。陶曾經試過翻撻前妻,但阿寶諗清楚後拒絕回收賤男,再見不是朋友。



Related Posts Plugin for WordPress, Blogger...