真面目
色慾中女 《名媛》餓太最爆 41歲江美儀狼吞 33歲吳卓羲
2012年10月24日TVB台慶劇《名媛望族》本週首播，單睇劇名就知係一班女人鬥餐死。不過無 綫今次加重口味，劇中劉松仁 4位靚太，唔只爭產爭老公，仲個個變成餓狼。
早前披露飾演四太 嘅楊怡要咬松哥嘴唇，原來未算激，最激原來係飾演三太 嘅江美儀，第 3集著性感內衣引松哥，之後再同細佢 8年嘅吳卓羲激吻。入行超過 15年 嘅美儀姐話：「我仲有場自摸戲添……呢套劇我都幾激！」 30年代餓女分分鐘激過《 Desperate Housewives》真人版羅霖。
台慶劇之一的《名媛望族》週一（ 22日）首播，故事主要講述飾演 30年代大狀的劉松仁同 4位老婆之間的故事，爭產爭老公嗌交戲分當然唔少得，但最令人期待，係幾位太太 嘅情慾戲分，視後大熱之一的楊怡，於第 9集同松哥激到咬唇，但都不及 41歲江美儀飢渴。
江美儀自摸誘松哥
美儀姐於劇中飾演松哥三奶，第 3集已經有場著住性感內衣色誘松哥場面。
為演得傳神，美儀姐事前更專登搵排舞師練艷舞，不過仲未算激，她說：「我之後同卓羲咀添，錫 咗成分鐘。拍 嗰陣大家都好專業，好快就拍完。」
雖然江美儀係劉松仁三太，但去到《名》劇後段，因為失寵寂寞，便跟飾演流氓、單戀劉松仁媳婦朱晨麗的吳卓羲搞上。江美儀仲話：「我仲有場自摸戲添！講阿松哥有 咗楊怡後，冇咩再掂我，我咪好悶囉。（接拍前知唔知咁激？）唔知㗎，拍拍嚇，劇本飛到落 嚟先知，我又覺得合理 嘅，呢套劇我都幾激，但我唔知最後有冇 cut到，因為都好大膽嚇。」唔知有冇摸到當年李嘉欣《墮落天使》咁放呢？
卓羲食埋馬明老婆
江美儀做餓太，而吳卓羲劇中就專搞人老婆，先激吻江美儀，之後更同嫁 咗畀馬國明 嘅朱晨麗上床。卓羲話：「我知大家著眼點喺呢度，但大家要留意劇情，我係為愛人先咁做咋！（同美儀姐、朱晨麗咀有咩感覺？）美儀姐就帶住我做啦！朱晨麗係新人，我哋拍 咗一個 take導演就收貨……冇咩感覺喎！」
率先爆
楊怡最後勝利
《名》劇背景為 30年代的香港，當時正值華洋文化衝擊，女性開始爭取地位，改變男尊女卑現象。而故事圍繞法律界名大狀鍾卓萬（劉松仁飾）跟 4位太太 嘅情史，劇中松哥開頭大把女，但最後同 4位太太各散東西 冚家散，最後松哥重新追過四太楊怡。
馬明戴綠帽
《名》劇主線係 4位太太爭寵，而另一條線係飾演劉松仁大仔，亦係大律師的馬國明，與太太朱晨麗及情敵吳卓羲的三角情仇。首次拍劇的上屆港姐冠軍朱晨麗 喺劇中主動引馬明洞房，更要同吳卓羲偷情。
著阿姐〈熱咖啡〉舊衫
美儀姐 喺第 3集著性感內衣引松哥，原來套衫係 94年汪明荃唱〈熱咖啡〉時 嘅戰衣，存放 18年繼續著， TVB夠曬慳。
抄美劇《靚太》
《名》劇重口味勁講性，又有唔少阿太偷食場面，其實有啲似美劇《 Desparate Housewives》（《靚太唔易做》），當然美劇尺度大膽好多啦！
