李少光個仔：你可以選擇唔做 傷盡張松枝
大家有睇本報張松枝的專訪，細聽他憶述在舊公司的種種「離奇遭遇」，如，捱了12年沒人工加，如何大熱天時打古裝武打戲，一人分飾千軍與萬馬，如何眼看自己公司由一個大家庭變成冰冷無情的公司……有不少網民寄予同情，也有人冷冷地謂:「點解你做咗咁多年都唔走？」，亦有人鬧佢「反骨」雲雲。被插程度，同TVB死忠fans眼中的「叛將」艾威有得揮。
張松枝為追求理想，為了實現演藝夢，願意付出，願意去捱。保安局前局長李少光之子李霖恩，去年憑《心戰》彈出，受訪時也曾提過自己捱了不少苦日子:「試過七個月冇出糧，好彩有太太支持同慳啲使，做呢行預咗係咁，食得鹹魚抵得渴。」李霖恩的努力被不同的監製看到，機會漸多，加上早前王維基的挖角潮令他加了人工。變相是張松枝「幫助」了他。
但表示撐發牌的李霖恩，前日出席活動時卻表示:「有啲走咗嘅人話公司刻薄，我心諗，但之前佢哋又喺度做，其實可以選擇唔做，可以揀其他工作，做人應該飲水思源，唔好走咗又喺度鬧番間公司，其實間間公司都有好有唔好。」
但前晚他卻於微博說:「之前有看過我微博的人，應知道我是甚麼人，對這事持甚麼態度。還有，不要再拿我爸跟我相提並論，如果他真的這麼厲害，我現在也不會是二打六了.....我沒生活負擔......唉。」
張松枝也看到李霖恩這番言論，昨早他於微博寫道:「社會上有好多為了自己夢想奮鬥以成功人仕，當他說出成功歷程，多數會得到大眾贊（讚）美，周邊的朋友都好像得到光環一樣，但當一個都是為了自己夢想以努力工作的人，但久久未能成功以說出自身歷程的時候，為何會換來一些舊朋友舊同事一些冷言冷語，例如『你可以唔做呀！』啲說話，真的令人….唉！」雖然未有指名道姓，但說的是誰，已十分明顯。
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
.李少光個仔：你可以選擇唔做 傷盡張松枝 張松枝,
http://hittt.blogspot.com/2013/10/blog-post_7423.html.李少光個仔：你可以選擇唔做 傷盡張松枝 張松枝,
http://hittt.blogspot.com/2013/10/blog-post_7423.html
