搜尋此網誌

2012年10月18日星期四

[FACE]針灸照 X光 切組織急驗 周麗淇 小腿生腫瘤

7月開始腫 <br><br>今年 7月, Niki在加盟寰亞記者會時,已發現小腿生腫瘤,但轉會咁大件事, Niki仍忍痛穿上 4吋高 踭鞋,當時右腳已腫起,強顏歡笑。


封面

針灸照 X光 切組織急驗 周麗淇小腿生腫瘤

2012年10月17日

正趕拍無綫新劇《好心作怪》的 Niki周麗淇,近日離奇消瘦,有幕後人員爆料指,劇中飾演女警的 Niki,稍為有動作場面都要用替身代拍。

原來,今年 7月, Niki發覺右腳小腿不時陣痛,起初以為只是肌肉勞損, Niki嘗試用針灸醫治,但並冇進展,後來更出現「鴛鴦腿」,之後經證實, Niki小腿裏生了一個乒乓球般大的腫瘤。由於腫瘤位置太接近神經線,不能切除,心驚驚的 Niki惟有切組織急驗,今次真係有排煩。

簽約林建嶽旗下的任賢齊新公司後,為擦無 綫鞋, Niki即接拍新劇《好心作怪》,劇中飾演女警,接拍前已知有動作場面,據知日前 Niki拍攝一場跳橋戲,起初都親自上陣,但跳了幾下,見她表情痛苦,好彩監製一早準備了女替身代跳。工作人員透露︰「 Niki話隻腳傷 咗,唔可以鬱動太多,又唔可以著高 踭鞋,最近見佢埋位都拐嚇拐嚇,好似幾嚴重。」

放大圖片

28/8痛到借力

Niki拍攝《好心作怪》時, 黃智雯和王浩信為她慶祝 33歲生日, Niki全程笑容唔多又要成晚坐,起身仲要雙手扶住張 枱借力,好似好痛喎!

放大圖片

9月初秘密檢查

有 fans探班時發現 Niki行路拐嚇拐嚇,為安撫 fans, Niki助手曾在微博表示 Niki需要照 X光,但沒有透露病情。

放大圖片

X光照片上明顯看到小腿內有腫塊。

放大圖片

7月中針灸止痛

初發現腳痛時, Niki以為肌肉勞損,遂往針灸止痛,當時右腳比起左腳,腫了一倍有多。

痛到企唔到

放大圖片

8月去完英國出席 Marianne王敏慧婚禮、 9月又去法國做家姐伴娘,兩程長途機令 Niki的小腿又腫又痛,加上當時仍未知腫瘤屬良性或惡性,簡直係精神折磨。

原來, Niki在今年 7月發覺右腳不時陣痛,尤其是穿高 踭鞋太耐,連企都企唔穩,但當時要為《女警愛作戰》拍攝另一個結局,她只好忍痛上陣,一直只靠針灸紓緩痛楚,後來發現右腳小腿腫起, 9月才決心去照 X光。

這幾個月來, Niki沒有向外間透露半句病情,只靠助手在微博向 fans報平安, Niki亦只敢和幾位密友呻,「真係好痛,連行路都痛,好驚,又著唔到高 踭鞋。」上週五( 12日), Niki痛住都去睇好友卓韻芝的 talk show,著平底鞋的她,發現比前瘦了不少,更似紙牌人。

怕腫瘤異變

據知, Niki9月初曾進醫院,照出右腳小腿有一個乒乓球般大的腫瘤,抽了小腿內腫瘤的組織化驗,雖然化驗結果為良性,但怕腫瘤異變, Niki提議動手術切除,但因為腫瘤生在肌肉內,太接近神經線,連醫生都不建議開刀, Niki只好靠藥物和定期 check住腫瘤有沒有異變。

知情人士說︰「 Niki𠵱家真係好擔心,切又切唔到,好似有個計時炸彈 喺身上面,惟有 check得密 啲。其實去法國出席家姐(周汶錡)婚禮 嗰陣,因為未有化驗結果, Niki成個 trip都好擔心,但又唔敢同屋企人講,聽講佢家姐同姐夫,都幫佢搵緊外國 啲醫生,想盡快諗計醫好佢。」

放大圖片

不用埋位時, Niki都愁爆,但一埋位就上身一樣,連劇中演員都唔知佢有事。

腫瘤醫生:留喺體內,有機擴散至淋巴!

放大圖片

應志浩醫生

本刊致電臨床腫瘤科專科醫生應志浩,應醫生表示:「呢種肌肉腫瘤唔算罕有,但病例都真係唔多。我 哋一般建議患者手術前要做清楚檢查同磁力共振,搵到好手勢嘅醫生盡可能切除腫瘤,始終腫瘤一定要搵出 嚟先可真正化驗、肯定係惡性定良性,一日留 喺體內,就一日冇法確定腫瘤性質。若果真係惡性腫瘤,留 喺體內會有好大機會擴散至淋巴甚至第二 啲器官,後果當然好嚴重。」

7月開始腫 <br><br>今年 7月, Niki在加盟寰亞記者會時,已發現小腿生腫瘤,但轉會咁大件事, Niki仍忍痛穿上 4吋高 踭鞋,當時右腳已腫起,強顏歡笑。

阿 Sa幫手搵名醫

最近愁爆的 Niki,有苦自己知,《好》劇又要拍至 11月中, Niki惟有四出打聽有什麼醫治方法,據知她的好姊妹阿 Sa(蔡卓妍)亦十分緊張 Niki情況,近日亦幫手四出尋名醫。計時炸彈在腳, Niki現時卻只能定時到醫院檢查腫瘤有沒有變大和異變,搞到有得震冇得 瞓。

Niki的經理人本週一( 15日)代她回應︰「幾個月前 Niki的確發現小腿有嚿 嘢,之前已經做 咗個微創手術抽出樣本化驗,但其他 嘢唔想回應咁多,唔想令大家擔心。」

放大圖片

7/9禁著高踭鞋

放大圖片

平時拍劇不用助手陪的 Niki,突然有助手跟身(左),上車落車都睇到實,而且禁著高 踭鞋, Niki見到記者仍笑笑口,忍痛慢慢行。

放大圖片

上週五, Niki到伊館捧好友卓韻芝場,記者見她精神麻麻又瘦了,相信受小腿內的腫瘤困擾。《蘋果日報》圖片

放大圖片

邪腳痛先兆

Niki上年套《我的如意狼君》,劇中阿沁一角的雙腳自小有病,行路要一拐一拐,尾段仲要靠拐杖行路添!唔係咁邪呀?

監製:一早安排替身

放大圖片

張乾文

Niki發生咁大件事,記者致電《好心作怪》監製張乾文,他就好緊張:「嚇,我冇聽過咁嘅事喎。演員頭暈身㷫一場半場拍唔到,我都知,但係 Niki呢個情況真係冇人同我講過。佢 喺套劇入面做 CID,好多動作場面,呢 啲場面一早安排 咗係替身上陣,我又唔覺佢做唔到同用多 咗替身喎。咁我真係要了解嚇情況,先至可以安排點樣照顧到佢啦。」忍住傷痛,好專業喎。

本週一( 15日), 黃宗澤和苗僑偉先後現身中環威靈頓街拍攝《好心作怪》,但未見周麗淇蹤影。

放大圖片

苗僑偉

唔知喎,睇落佢好正常!

放大圖片

黃宗澤

啲咁私人嘅嘢我點會知?睇佢行路好正常!

瘤市傳真

其實身體發現腫瘤,要停工診治割除的藝人,近年唔少。不過搞到 Niki咁奇怪,生到去小腿,又真係第一單。

放大圖片

柯震東脂肪瘤

《那些年》男神柯震東, 20歲年紀輕輕就發現腦部生瘤。後經證實係良性脂肪瘤,今年七月滿 21歲生日後入院切除,一週後拆線,現已復出。台灣《蘋果日報》圖片

放大圖片

李嘉欣 8粒瘤

大美人李嘉欣年中自爆身體多病,感冒都感足兩個月,被老公許晉亨建議檢查身體,結果發現體內有 8粒良性腫瘤,切除後龍精虎猛回曬春。

放大圖片

熊黛林 2.5cm腦瘤

城嫂熊黛林去年 4月在腦部發現 2.5cm直徑腦部腫瘤,經城城介紹名醫診治,發現是良性腫瘤,現已切除康復。



Related Posts Plugin for WordPress, Blogger...