同你吟一吟
肥 Wil Style熱身王晶志偉撐錢國偉做幕前
2012年10月18日網上點擊爆燈嘅《江南 Style》，原唱韓國歌手 PSY成為萬千肥男偶像，噸位外形同 PSY差不多嘅肥 Wilson錢國偉機不可失，搵埋古巨基、鄭伊健聯手照抄拍咗個土炮版 MV。
影印一樣，但勝在效果神似。錢國偉上曬身，靠「肥 Wil Style」成功走出幕前，下月王晶開新戲，男主角係王祖藍，已經預咗肥 Wil一份，連有份喺土炮 MV粉墨登場嘅曾志偉，都話要做佢代理人，安排肥 Wil走埠登台撈一筆。
機會，就好似便利店，隨時出現，差在閣下轉數夠唔夠快，抄又好偷又好，手快有著數。
