探熱針
同居八鄉村屋 韋家雄偷食人妻陳嘉嘉
2012年10月18日無綫百搭綠葉韋家雄（紅編劇韋家輝親弟），年前膽粗粗追葉翠翠食檸檬後，今年五月，在橫店拍《金枝慾孽貳》期間，竟與同劇大茄，已婚的陳嘉嘉撻著，返港後，陳嘉嘉更背住老公，與韋家雄於元朗八鄉築愛巢，明目張膽發展婚外情。
橫店撻著
有份拍《金枝慾孽貳》的韋家雄，劇集開拍不久，已對同劇的陳嘉嘉生滋貓入眼；經過上次明追葉翠翠撻 Q，今次韋家雄玩低調。五月劇組拉大隊往橫店拍外景，兩人日對夜對，韋家雄重複當日用在葉翠翠身上的招數，跟陳嘉嘉玩懷舊「那些年」自拍，上載微博冧女，得咗！
「大家都知陳嘉嘉結咗婚，韋家雄明知對方有老公照追，人前人後都冇收埋，即使韋家雄冇通告，都會長途跋涉返公司等陳嘉嘉收工，然後一齊返屋企。」知情者說。
撞到正
兩人最近更明目張膽，於八鄉築愛巢。「早排佢同老公講想搬出去同個女性朋友一齊住，佢老公都覺唔妥，即時問過嘉嘉係咪喺出面有第二個，但佢死口唔認。」
據了解，陳嘉嘉老公黃文輝（ Manfield）家境不俗，跟李澤楷表弟林忠豪是生意拍檔，兩人合作經營環保節能公司，經常要中港兩地傾生意。
「個女人死口唔認，偏偏有朋友喺街撞到佢同韋家雄拖曬手，好親熱咁行街，通水話俾 Manfield知。」老婆送綠帽，但 Manfield依然未死心，只是向朋友訴苦，未有考慮離婚。
本月初，陳嘉嘉收工於將軍澳電視城坐城巴出將軍澳搭地鐵往天後，會合當日不用開工的韋家雄，二人同搭巴士去元朗市中心，再轉小巴返回元朗八鄉的愛巢，落車時，韋家雄情不自禁嘴陳
嘉嘉。
激動遮面
上週六（十月十三日）晚，記者在中環碰到剛與陳豪拍完《節目巡禮》的陳嘉嘉，一見到記者，她即時黑面說：「私人嘢唔答！」問她跟韋家雄的關係、老公黃文輝是否知悉二人有景轟時，她更緊張得不停咬手指，激動到用圍巾遮面，跟住急步離開。
至於韋家雄，對偷食人妻一事，與陳嘉嘉夾定口供：「私人嘢唔答！」
記者曾致電陳嘉嘉老公黃文輝，對太太有婚外情一事，他未有正面回應，「我冇必要答你！我冇需要答你！」
雖然極力否認婚外情，不過陳嘉嘉將照顧韋家雄愛犬 Kinda的相放上微博，跟男友早前放上微博的家居照背景相似，唔覺意踢爆二人同居。
大茄對二打六
九六年轉投無 綫長期做大茄的韋家雄，早年已離婚，有個十九歲兒子，幾乎拍每部劇都有目標的他，當年拍《真情》就傳出跟同劇的鄧兆尊拗手瓜爭陳彥行。至於跟他撻著的二打六陳嘉嘉，做平面模特兒入行，○八年由亞視過檔無綫，近期有份參演賀歲劇《初五啟示錄》及重頭劇《衝上雲霄 2》，不過都係做路人甲乙丙。
