搜尋此網誌

2012年10月18日星期四

[壹週刊]殼王派錢 李克勤 200萬返 TVB

上週五,李克勤同老婆盧淑儀到加拿大國際學校接大仔 Ryan放學,當日同行的還有細仔 Rex,原來兩歲半 Rex亦已經返 Playgroup。


探熱針

殼王派錢 李克勤 200萬返 TVB

2012年10月18日

「四大」之一的環球唱片,雖然與無綫未完全修好,但雙方關係自殼王入主後,已有所緩和,近日李克勤更落實替無綫台慶遊戲節目《一百萬可能》(暫名)做主持。

為拉攏克勤再為無綫效力,殼王陳國強親自出面,打盡人情牌外,還開出對無綫是空前高價,十萬元一集請克勤回歸,派錢一樣。

千萬買版權

今年初,無綫一度與四大唱片破冰,但餘詠珊上場擔任非戲劇製作總監後,又再因簽版權紙與四大再起爭端,四大歌手繼續絕跡無綫,無綫契仔李克勤,同樣唔見影。

直至近日,無綫為加強綜藝節目陣容及提高競爭力,斥資千萬買下全球熱爆的 NBC電視台遊戲節目《 Minute To Win It》版權,製作全新遊戲節目《一百萬可能》(暫名),準備於台慶月推出,並鎖定由福將李克勤擔任主持。

「以前幾乎隔個星期就見克勤上無綫節目,就算內地有商演,佢都係先就咗無綫再考慮其他,雙方關係就等同自己人。呢三年佢唔使上無綫,反而可以不停去內地做騷,賺埋唔少,早排佢上咗內地收視好高嘅《聲動亞洲》,打埋中國北面市場,啲騷更加多到做唔切!所以搵克勤返無綫做主持,都唔係咁易!」知情者說。

放大圖片

學校保安落力為克勤遮擋記者鏡頭,克勤兩個仔則匿在石柱後。

放大圖片

克勤為兩個寶貝仔而買的七人車,換上他們英文名組成的 Ryan Rex車牌。

放大圖片

05年李克勤為無綫主持《殘酷一叮》,一做便八個月。《忽然 1周》圖片

放大圖片

今年七月,克勤與阿倫為上海東方 衞視演出《聲動亞洲》,在國內大受歡迎,成功開拓北面市場。

放大圖片

早前殼王以遊艇招呼克勤出海,傾洽合作大計。

傾三次搞掂

明知餘詠珊牙齒印多,為免有閃失,殼王陳國強於是親自出馬。

「殼王同克勤本來就好老友,經常會約埋聚嚇,但平時都唔講工作,今次無綫高價買咗個遊戲節目版權,殼王一開始就鎖定搵克勤做,佢覺得克勤有觀眾緣,做主持又生鬼,所以完全無考慮其他人!」

近兩個月,殼王密密約克勤傾合作,又請他一家出海,大打友情牌。

「克勤對無綫特別有感情,殼王開到口,答應成數已經好高,加上無綫俾曬呢個遊戲啲片克勤睇,睇過嘅人都話呢個節目實爆,克勤都好有信心!同殼王傾咗三次,已經搞掂。啲手尾就交俾餘詠珊同節目監製接手,為咗就克勤時間,有次餘詠珊一朝早七點,去陪克勤食早餐,明知殼王志在必得,餘詠珊都唔敢有小動作。」知情者說。

放大圖片

殼王入主無綫後,有指曾志偉、阿叻是其幕後軍師, 10年阿倫六十大壽,殼王、克勤、志偉便結伴齊賀阿倫。

放大圖片

近月克勤忙於為新碟宣傳,週日便出席屯門市廣場簽名會,完成宣傳後,下月才全身投入無綫新節目工作。

一集收十萬

○五年為無綫主持《殘酷一叮》,當年克勤的主持價是六千元一集,今次殼王大手筆,開出十萬一集。

「以前主持《殘酷一叮》係歌星約,克勤已經係合約歌星最高薪一個,今次殼王俾到十萬元一集,遷就佢啲期錄影,十足誠意!」知情者說。

據了解,克勤會在十一月十九日台慶當日,現身節目公布詳情,四大唱片跟無綫關係,大有機會因克勤而進一步緩和。

放大圖片

08年殼王送百萬大禮包李克勤與盧淑儀到英國拍攝婚紗相,出手闊綽。

放大圖片

昔日經常是無綫台慶節目常客的克勤,今年台慶將正式回歸無綫。

老細出馬

有「無綫契仔」之稱的李克勤, 08年已經攞過服務廿年金牌,即使在事業低潮期,無綫仍安排他做《勁歌金曲》主持,保住人氣; 02年奪得《十大勁歌頒獎禮》最受歡迎男歌星後,克勤幾乎隔星期便上無綫節目, 05年做《殘酷一叮》主持,亦一度掀起熱潮,雙方關係深厚,直至 09年發生「四大唱片」與無綫版稅風波,克勤開始絕跡無綫,直至殼王陳國強入主後,私下多次邀請克勤上節目,去年《十大勁歌頒獎禮》,他被邀任頒獎嘉賓,頒獎給「最受歡迎女歌星」容祖兒。

上週五,李克勤同老婆盧淑儀到加拿大國際學校接大仔 Ryan放學,當日同行的還有細仔 Rex,原來兩歲半 Rex亦已經返 Playgroup。

熱爆全球

《 Minute To Win It》是美國 NBC電視台人氣節目,由 10年 9月開始首播,在全球多個國家如英國、澳洲、法國、德國等都有播放。

遊戲要求參賽者用日常家庭用品完成一些動作,例如 60秒內「抆」曬一盒紙巾,將 20個高爾夫球疊高等。成功完成即可過關,得到 1000美金並晉級挑戰下一個項目。最高累積獎金是 100萬美金,參賽者在成功過到第一、五、八同第九關時,都可以選擇放棄晉級拎走獎金。每位參賽者有三次失敗機會,如果都未能成功完成動作,就要被淘汰。



Related Posts Plugin for WordPress, Blogger...