[壹週刊]林峯唔曉入波識玩波

同你吟一吟

林峯唔曉入波識玩波

2012年10月18日

自稱返內地拍劇，二十集收近千萬嘅林峯，上星期六（十三日）同徐子珊、官恩娜、 MC Jin等《雷霆掃毒》演員到觀塘一間中學鬥波（籃球）宣傳。

拍劇價勁過視帝鄭嘉穎，但講到打籃球，峯少就有姿勢無實際，射極唔入，好失威。

唔只屎波，林峯啲冧女橋一樣屎。對住好兄弟吳卓羲前度官恩娜，佢一樣技癢，只係示範幾下用手指轉波，小學雞都會嘅伎倆，已經搞到對方暈酡酡，又叫又笑，拍曬手掌。

冇嘢嘅！換咗轉波嗰個係八両金，官恩娜肯定唔同反應，啲橋再屎 no problem，在於用嗰個係林峯。

放大圖片

俾官恩娜、徐子珊夾住玩二人三足，二對一對林峯嚟講，實在濕碎。

放大圖片

入唔到波冇問題，林峯識玩波，睇嚇官恩娜幾咁欣賞。