搜尋此網誌

2013年10月25日星期五

《變形》片場大支嘢 李冰冰遭劇組杯葛 李冰冰,MW,




素顏濕平

上周四( 17日),《變形金剛 4》首天開拍,唔使拍戲的李冰冰於下午現身連卡佛血拼。冇化妝的她不時對店員指指點點。

娛樂喧

《變形》片場大支嘢 李冰冰遭劇組杯葛

內地花旦李冰冰近年努力打入荷里活市場,繼前年與妮歌潔曼、全智賢演出《雪花秘扇》,去年又拍《生化危機 5》大收旺場,成功站得住腳。正在香港拍得如火如荼的大製作《變形金剛 4》,李冰冰戲份更僅次女主角妮歌娜佩絲( Nicola Peltz),可謂威到盡。

但據知出名酷爆的李冰冰,與同劇演員唔埋堆。上周四( 17日)劇組首日在港開工,當日冇戲份的她,不似其他外國演員留守現場,反與助手到連卡佛濕平掃貨。返到下榻酒店時,有份演出《變 4》的配角提圖斯維里沃( Titus Welliver)與她打招呼,她亦扮睇唔到掂行掂過,被對方寸:「 So cool!」強國花旦,氣焰的確強過人。

為鋪好荷里活條路,今年 40歲的李冰冰,去年刻意搬到美國定居,學好美國口音英文,其間更搬到不同州份藉此擴大自己人際網絡。去年尾,她成功與荷里活四大經理人公司之一 UTA簽約旗下,做巨星尊尼特普及桂莉芙白德露師妹。其身邊人透露:「冰冰不嬲都係進取嘅人,其實佢英文唔差,以前未入行時係教書,但為咗學好啲外國口音,寧願搬到咁遠住。呢兩年佢好勤力不停去識啲製作人,最後竟然俾佢簽到 UTA,荷里活好多二線星想入都入唔到。佢一知《變形金剛 4》導演米高比爾( Michael Bay)要搵華人演員,就同公司講明恨拍,話收十分一片酬都肯制。導演見佢唔貴又好使好用,同佢試完戲之後,鐵定搵佢做第二女角。」

騷胸鍊車

片中李冰冰飾演製造變形金剛的首席女科學家,戲份頗多。周日( 20日),李冰冰首天開工,駕着電單車酥胸半露,十分冷艷。

《變 4》導演米高比爾,首日來港即被陀地勒索 10萬蚊,其間更弄傷腰骨,之後又差點被水樽撲頭,多災多難!

離劇組濕平

近日,《變 4》大軍移師香港拍外景,「大黃蜂」等跑車在深水埗、鰂魚湧等大街小巷現形。上周四( 17日),男女主角麥克華堡、妮哥娜佩絲等人首天在鰂魚湧開工。由於導演米高比爾試過臨時加插戲份,因此有份演出的外籍演員,幾乎全部齊集在現場候命。當天未有戲份的李冰冰,則未有現身場地,原來相約兩名助手在下午三點離開下榻的四季酒店,到附近商場的連卡佛濕平。

當日現場所見,一名店員見有大星駕臨即盡現殷勤,不時向李冰冰介紹新款衫,惟李卻一句「得」埋去:「不好!」當店員再問她打算甚麼場合着時,李冰冰即板着臉,藐了一眼女店員,然後用手指着助手,示意對方代答。最後李試了足足兩個鐘,買了一大堆衫才離開。

藐售貨員

店員拿着大堆衫,帶李冰冰到試身室換,其間她一直與店員保持距離兼目露兇光。

扮睇唔到

買完衫一個人返酒店的李冰冰,在大堂偶遇同劇演員提圖斯維里沃(右一),但她卻寧願耷低頭玩手機都唔打招呼。

黐實導演

新戰車曝光

《變 4》連日來在中環、深水埗等地大規模拍攝,其中最矚目是有新戰車出現,包括三菱出產的軍車、博派新成員 Hound。《蘋果日報》圖片

李冰冰返到酒店時,記者發現在《變 4》飾演反派的提圖斯維里沃與工作人員,拍完戲後在酒店大堂吹水,見到李冰冰經過時,提圖斯即和她「 say hi!」,但李卻充耳不聞,耷低頭扮睇唔到對方直接上房。此時記者聽到提圖斯向工作人員在背後指李:「 So cool!」有劇組人員透露:「其實喺片場,冰冰大部分時間都係同導演 Michael Bay傾偈㗎咋,之前佢喺美國拍咗成個月都係咁。試過有次收工,有演員提議去食飯,佢淨係問咗句導演去唔去?知道導演唔去,佢就話冇興趣。自從嗰次之後,其他星及劇組冇乜點理佢。」

雙冰搶角色

雖然「主角」柯柏文今次沒有來港,但「好兄弟」大黃蜂上周一連數日在鰂魚湧、深水埗等地出巡,秒殺大批 fans。《蘋果日報》圖片

能夠以第一華人演員身份入選《變 4》,又難怪李冰冰寸得起。據知,跟她鬥足多年的範冰冰,見對方有份拍《變 4》,但自己卻在《鐵甲奇俠 3》只得 3秒戲份而一直耿耿於懷,所以範冰冰亦講明好想有機會拍《變 4》。據知,七月初,範曾透過中間人向電影公司自薦試鏡,亦講到明價錢絕對有得傾。劇組如無意外將於下月移師內地拍外景,好快就知範冰冰能否入圍,雙冰可否同場。

雙冰格鬥

今年 40歲的李冰冰,與 32歲的範冰冰,同是內地影壇當紅花旦,多年來兩人乜都爭一餐,由攞獎、開公司以至攻荷里活,唔爭唔安樂。



. 《變形》片場大支嘢 李冰冰遭劇組杯葛 李冰冰,MW,
http://hittt.blogspot.com/2013/10/mw_2163.html
. 《變形》片場大支嘢 李冰冰遭劇組杯葛 李冰冰,MW,
http://hittt.blogspot.com/2013/10/mw_2163.html
Related Posts Plugin for WordPress, Blogger...