搜尋此網誌

2013年11月1日星期五

黑箱發牌後遺 無綫辣招阻賺外快 陳豪楊怡劈炮 楊怡,陳豪,MW,




滾熱辣

黑箱發牌後遺 無綫辣招阻賺外快 陳豪楊怡劈炮

王維基旗下的香港電視網絡不獲發牌,事件至今已半個月,多個政黨聯手要求行政會議公開交代發牌準則,政府總部外繼續有市民留守抗爭。

王維基發牌難產,令一台獨大的無綫,再無威脅。據知無綫近日將親生仔女的檔期完全 hold實,如果佢哋要接外快搵真銀,必須經高層同意及獲批檔期後,才可 quote價接 job,令不少藝人見財化水。

即將約滿的陳豪和楊怡,眼見公司出辣招阻發達,決定跟隨近日正式向無綫請辭的經理人陳嘉莉向外闖,齊齊劈炮唔撈。無綫本想用視帝視後利誘陳豪和楊怡續約,但如今二人去意已決,於是便改捧馬國明和鍾嘉欣上位。

這場「電視風雲」,除了令全港市民響應熄電視外,更間接令今年視帝視後大執位,威力認真強勁。

其他影片

馬明嘉欣攝位擸視帝視後

多年來,無綫一向慣用獎項利誘藝人簽約續約,而視帝視後兩個大獎一向以親生仔女(即經理人合約藝人)優先考慮,加上無綫有慣性收視,一台獨大,不少想上位的藝人為了獎項,姑且簽下賣身契。不過政府三年前宣布再發免費電視牌照後,王維基不斷泵水開劇,令不少無綫藝人重新謀後路,一直嫌無綫待遇差的陳豪和楊怡亦萌去意。

維基效應

睇下你哋點死!(設計對白)

政府黑箱作業改發牌規則,拒王維基香港電視入局。無綫一台獨大有排玩,辣招再出,間接亦影響今年台慶頒獎禮賽果。

經理人辭職成導火線

在無綫捱足多年都冇人賞識的張松枝(左)和陸駿光(右),近日在政總演出港版《半澤直樹》宣洩當年在無綫的鬱結。勢估唔到,無綫再出辣招,限制旗下藝人搵外快。

「無綫一向都係一哥,之前就驚發牌後縛唔住啲藝人,惟有放寬藝人出去搵真銀,但王維基發牌落空後,李寶安(無綫總經理)就唔俾經理人對外開價。有人搵藝人工作,經理人要寫咗報告先,俾高層批後才可 quote價。依家連價都唔俾 quote,唔少廣告商嫌煩,咪盡量唔用無綫藝人囉。李生覺得公司培訓出來嘅藝人,係幫公司工作,唔係俾佢哋出去搵外快。」知情者說。

陳豪及楊怡眼見公司新政策影響自己搵食,離巢之意更強烈。加上,與他們出生入死多年的經理人陳嘉莉,在上周正式向無綫辭職,令兩人終於決定離棄無綫這個「大家庭」。「阿怡(楊怡)加入無綫十三年嚟都係由嘉莉照顧,感情深厚。嘉莉照顧陳豪都十年,陳豪喺巴黎結婚,嘉莉都陪伴在側。佢哋嘅感情已經超越工作,好似家人咁!」知情者說。

同人唔同命

陳豪和楊怡雖然與無綫拉鋸中,但二人的錢途卻有天壤之別。

陳豪有意離巢,有指他自組公司及拉大隊過檔 now,但無阻他的吸金力,全因他與陳茵媺結婚生仔帶動人氣,無綫唔放期俾佢𢱑銀唔得。反觀楊怡,去年奪視後後,未幾爆出羅仲謙「車震」事件,令廣告商卻步,聲勢未能承接,而無綫也安排她連踩兩劇,令她冇得搵真銀。

情同姊妹

楊怡與經理人陳嘉莉情同姊妹,年年生日都一齊慶祝,難怪她夾埋經理人嘉莉齊齊劈炮。周一( 10月 28日),嘉莉陪同陳豪出席活動,被問到辭職一事時,她說:「我唔方便講呢啲嘢!」

率先爆獎項名單

近年無綫台慶頒獎禮的評選機制常常更改,今年 12月 16日舉行的頒獎禮,新機制除了有 50%的民意投票外, 50%就是專業評審,包括監製、導演等人,足見無綫對視帝及視後仍掌握操控權。

李寶安搵陳豪傾約

陳豪和楊怡如今跟隨拍檔劈炮,無綫立即出動樂易玲及曾勵珍兩大高層與二人傾約,連集團總經理李寶安也破例親自遊說陳豪。據知無綫更用今年視帝視後挽留二人,但他們至今仍未覆實無綫,雙方處於膠着狀態。既然有人嫌獎腥,無綫決定獎勵給一班聽教聽話的親生仔女,立即啟動「 Plan B」,計劃捧馬國明和鍾嘉欣當選今屆視帝視後。「馬明仲有四年合約在身,佢又係依家呢批當紮小生最有觀眾緣一個,無綫俾好位佢上都好順理成章。至於鍾嘉欣,無綫早幾年都想俾獎佢,但年年就有其他人選彈出。今年佢終於憑《巨輪》人氣急升,視後在望啦。」知情者說。

男飛躍大熱蕭正楠

上周二( 10月 22日),蕭正楠宣傳《巨輪》時,被問到屬今年「男飛躍」大熱時,他說:「去年都話大熱啦,呢啲嘢唔諗先會有嘞,平常心。」

女配大熱田蕊妮

因為在《巨輪》演技出色而後來居上成為今年女配大熱的田蕊妮說:「冇諗過,拍劇唔會諗啦,總之拍得開心就 OK。」

陳豪:未決定續約

陳豪周一( 10月 28日)出席活動搵奶粉錢,對於無綫勒令唔俾 quote價,他說:「唔太清楚,近排我都多咗工作,因為冇劇喺身會易度期。(同無綫傾續約未?)暫時未有決定。(你經理人已辭職,係咪共同進退?)我諗……分開嚟講嘅。」

去年榮升視後的楊怡,今年除因合約問題搞到冧莊無望外,近大半年更遭公司「雪藏」,收埋她連拍兩套無綫劇,但曝光率近乎零。對於今年視後之爭,她說:「佢(鍾嘉欣)攞我都好開心,我用平常心去睇。(嘉莉辭職?)我一早有心理準備,所以唔係太突然,只要佢開心就得。」

鍾嘉欣:總有政治因素

無綫製作資源部總監樂易玲,承認無綫落禁令,唔俾經理人向外開價,她說:「都係驚啲工作要長檔期啫!」明顯避重就輕。

鍾嘉欣今年終成功攝位成視後大熱,對此她說:「信心不大,不過會放鬆心情。(楊怡唔續約,你被睇高一線?)唔……我希望係公平,唔好因為約滿啦!(係政治因素?)總有政治因素,但 artists唔應該牽涉入去,做番自己本份。(公司依家要藝人以公司工作為先?)希望有 balance,又可拍劇,又可接外面工作。(點睇發牌?)我都希望觀眾多個選擇,我都係流 TVB嘅血,但唔代表希望其他台會死。」

馬國明就承認公司新政策令他減少搵外快機會。「今年視帝嘅對手好強,自己信心不大,唔係話走先俾獎咩!(你係親生仔又有長約,睇高一線?)冇話睇唔睇高一線嘅!而且套劇都未出街,話唔定套劇出街俾人鬧呢!(公司唔俾 quote價?)其實對我嚟講,呢個政策冇話新唔新,近兩年因為要拍公司劇都推咗幾套內地劇。」

對於無綫唔俾 quote價一事,製作資源部總監樂易玲說:「唔……都係驚外面工作要長嘅檔期同針對敏感嘅工作啫。(嘉莉辭職對陳豪去留有影響喎?)珍姐(曾勵珍)同李生都有同佢傾過,佢仍在考慮中。至於嘉莉嘅辭職,佢係想休息下。」

今年視帝視後之爭,因藝人合約問題,隨時形勢有變,而其他獎項競爭也十分激烈。本刊率先爆五強名單走勢,田蕊妮成「女配」大熱,而「男飛躍」則是蕭正楠囊中物。

其他影片


. 黑箱發牌後遺 無綫辣招阻賺外快 陳豪楊怡劈炮 楊怡,陳豪,MW,
http://hittt.blogspot.com/2013/11/mw_1420.html
. 黑箱發牌後遺 無綫辣招阻賺外快 陳豪楊怡劈炮 楊怡,陳豪,MW,
http://hittt.blogspot.com/2013/11/mw_1420.html
Related Posts Plugin for WordPress, Blogger...