搜尋此網誌

2013年12月5日星期四

[壹週刊 1239 ] 開工暈眩 陳豪禁接 job 陳茵媺 43吋巨肚月中生 茵媺,陳豪,陳茵媺,M1,

[壹週刊 1239 ] 開工暈眩 陳豪禁接 job 陳茵媺 43吋巨肚月中生 茵媺,陳豪,陳茵媺,M1,
http://hittt.blogspot.com/2013/12/1239-job-43-m1.html



陳豪十足緊張大師,見到現場多人,即從後傍住保護老婆。

娛頭

開工暈眩 陳豪禁接 job 陳茵媺 43吋巨肚月中生

將回復自由身的陳豪,明年一月和無綫經理人合約屆滿後堅決不再續約,要上定彈藥,準老豆最近一個月密集式接 job,之後便停工三個月,靜候十二月中出世的 BB,再陪老婆坐月湊仔。

養妻活兒,陳豪有責,亦有不少廣告商打豪嫂主意,出高價邀請大肚陳茵媺甚至「一家三口」做活動,但早前佗 B陳茵媺試過開工見暈,陳豪肉痛又擔心,於是落曬閘,嚴禁老婆再接 job,賺少的幾百萬,陳豪自行狂做,補番數!

上星期五(十一月二十九日),臨盆在即的陳茵媺現身銅鑼灣,有陳豪補品不停催穀,大肚婆體重已暴升至一百六十磅,肚圍有四十三吋,十分巨型。

執定走佬袋

陳豪同陳茵媺的陳 B仔,預計本月中出世,據知準媽咪決定感受完美生仔過程,如無必要,將採取自然分娩,老公陳豪表示已經執定「走佬袋」,隨時準備送老婆入院分娩,屆時更會入埋產房,幫囝囝剪臍帶。

距離好日子尚有半個月,陳茵媺因為之前獨自駕車外出,試過發生交通意外,最終被陳豪「軟禁」,要她留家安胎。被禁出街呻悶,陳茵媺於是向老公又扭計又詐嬌,上星期五(二十九日),陳豪見自己要去銅鑼灣做活動,於是帶埋老婆行孖咇,陳豪開工,豪嫂就在附近 shopping。

由於天氣已轉冷,大肚陳茵媺打定底,羊毛底衫、 leggings貼身保暖,外面再加一件闊身厚褸,包無閃失。已沒有公開露面接近三個月的她,肚皮極速脹大,據知大肚婆體重由原本一百零八磅,增至接近一百六十磅,肚圍更去到四十三吋,比過去 fit到漏身形,足足多了二十吋。

Hermes Garden Party

體重升至一百六十磅,肚圍粗達四十三吋,正面側面睇,陳茵媺個肚都十分巨型。

一收到老公電話,陳茵媺就停手 shopping,去會合老公。

一見到小朋友,陳豪即流露慈父樣,對他愛不釋手。

未大肚前,陳茵媺 fit到漏,身材 34-23-34。

錫到燶

由筍盤到愛妻號,陳豪為求陳茵媺得到妥貼照顧,無論婚前婚後,到佗 B期間,一直花盡心思,頭號好老公。

補品養胎

今年九月尾,老婆由加拿大返港前,陳豪專誠到上環一間參茸店買冬蟲草和花膠,準備補品給陳茵媺養胎,仲要唔貴唔買,最終豪使 50萬埋單。

浪漫婚禮

娶得美人歸,陳豪為咗令陳茵媺有個美好回憶,刻意到消費極貴的巴黎舉行婚禮,又豪請家人和賓客,五日四夜花近 300萬。

送 Hermes

兩人拍拖時,陳豪為搏女友歡心,豪買 15萬 Hermes birkin手袋,升呢做陳太後,陳茵媺更加要乜有乜,身上件件名牌,拎嘅唔係 Hermes就係 Chanel。

25cm Kelly Bag

35cm Birkin

花膠鮮奶養胎

不過,陳茵媺是長胎不長肉,除了個肚,下半身位置,和面完全無異樣,就算生得,亦沒有出現水腫,下巴依然 V煞。「無論 Aimee(陳茵媺)想食乜,阿 Mo(陳豪)都會準備好,奶奶又一個星期煲幾次花膠鮮奶,再加其他補品俾新抱同個孫食, Aimee想輕啲都難。早排佢哋去照 4D,見到 BB已經好大隻,醫生話 BB喺肚裡面發育得好好,好吸收,應該會係重磅 BB。」陳豪身邊人說。

陳豪做活動預一個鐘,陳茵媺 shopping時間有限,精挑禦寒衣物,見有記者影相,她反應極快,戴上黑超主動打招呼,問她有否買 BB嘢,她說:「行嚇街咋!」收到老公電話後,陳茵媺即刻收手,行去隔籬街會合陳豪,沿途有市民問她陳豪呢?豪嫂即笑笑口指住對面馬路:「嗰個傻仔咪係囉!」相當搞笑。兩公婆會合後,陳豪第一時間主動接過老婆手上的購物袋,之後變身保鑣,從後護住陳茵媺上車,相當體貼。

週二( 3/12),陳豪與陳茵媺去到柴灣一間影樓,問到他們是否影大肚寫真,他們笑笑口唔肯答。

途中遇到陳法蓉及向海嵐,兩人上前恭喜他們。

陳豪已經做好準備,在比華利山愛巢布置好 BB房。

損失三百萬

據陳豪身邊人透露,陳茵媺今次挺住巨肚自己行街,陳豪事前考慮了好一陣才答應。事實上,由加拿大返港安胎這段時間,豪嫂原本打算接一些輕鬆又不花時間的商業活動,賺錢兼打發時間;十月中,她連續出席了兩個手錶及酒店活動後,因為體力透支有見暈情況出現,嚇到陳豪立即下令叫停,嚴禁老婆再接 job,還要盡量留家休息,賺奶粉錢重要,陳豪密密做,自己嚟!

「 Aimee佗 B出騷價升咗近兩倍,由原本八萬跳到二十萬,如果加埋陳豪一齊,最平嗰個都俾到五十萬,見到啲錢係咁送埋嚟, Aimee梗係想幫老公手,但每次出活動單係化妝整頭,最少要坐定定三個鐘,佢又貪靚要著高踭鞋,有時企成粒幾兩粒鐘,仲要不停做訪問,做完一次活動就成個人冇曬精神,有次仲見暈,阿 Mo見到老婆咁好心痛,即係叫經理人幫 Aimee推曬之後嘅 job,保守計,起碼賺少三百萬。」陳豪身邊人說。

九月底陳茵媺從加拿大返港後,就接了兩個活動,她因為貪靚堅持要高踭鞋上陣,搞到陳豪提心吊膽。

豪媽近日經常陪住陳豪,之後一齊返屋企,煮補品俾新抱食。

大肚婆唔捱得

據家庭醫生關嘉美指,孕婦出席公開活動時應盡量穿平底鞋,由於公開場合多人有機會遇上流感、肺炎等,絕不適宜逗留超過兩小時。

陳慧琳

11年, Kelly宣布以人工受孕方式再度懷有雙胞胎,但她並未有為此停工養胎,最終不幸流產,痛失腹中五個月大孖女。

楊千嬅

11年,懷有龍 B的千嬅完成一連 5場演唱會,再捱義氣幫彭浩翔客串拍一場戲,之後突感肚痛,須深夜入院,幸好大小平安,但要瞓床一個月,留家安胎。

講掂數停一年

自從陳茵媺有咗,陳豪已力勸老婆退出幕前,兩公婆更為此出現分歧,愛妻號陳豪明知陳茵媺仍對演戲未心息,更打算產後盡快修身復出,兩人經仔細考慮,最終講掂數,最快要等到 BB一歲生日,豪嫂才復出接劇。未來一年,陳豪要孭起一家三口重責,臨近停工陪產前作最後衝刺,過去一星期,陳豪出席了五個收錢活動,衝破紀錄!十二月中 BB就出世,做多一星期,陳豪便會停工,全心全意迎接小生命,之後再陪豪嫂坐月三個月,到明年三月,才正式復工,以及宣布日後去向。

阿仔,老豆好心急呀!(設計對白)

陳豪表示已執定「走佬袋」,隨時等老婆作動入院。

由於陳豪禁止接 job,陳茵媺得閒就約人 high tea,同提早布置屋企聖誕樹。

星期日,陳茵媺又趁陳豪工作空檔,去中環 IFC行街 shopping,等陳豪收工後一齊返屋企。

陳茵媺之前拍落的《單戀雙城》在一月出街,之前無綫叫她拍宣傳片,陳豪都唔批准。

巨肚幫

做娛樂圈,個個藝人為求上鏡靚著衫好睇,大部分女藝人都忍口求瘦,直至做人妻佗 B展開人生另一階段,紙板人一下子變回個籮,犧牲精神十足。

徐子淇

07年,千億新抱徐子淇佗住大囡李晞彤時,體重直升 190磅,當時醫生恐防母體負荷過重,一度建議她提早入院開刀。

楊千嬅

算是高齡產婦的千嬅,佗仔暴脹 50磅,個肚大到似佗雙胞胎, 30週時, BB已重 6磅幾,其後她挺住巨肚現身 Wyman演唱會,透視黑色長裙顯示巨肚威力。

黎姿

10年黎姿人工受孕成功懷雙胞胎,身材三級跳,體重 180磅,腰圍超過 40吋,巨肚超標,其時要四個菲傭兩個看護,全天候照顧。



.[壹週刊 1239 ] 開工暈眩 陳豪禁接 job 陳茵媺 43吋巨肚月中生 茵媺,陳豪,陳茵媺,M1,
http://hittt.blogspot.com/2013/12/1239-job-43-m1.html
Related Posts Plugin for WordPress, Blogger...