主頁>娛樂圈 >娛樂追擊>張智霖 情緒反覆
出名好好先生嘅張智霖（Chilam），早排喺微博鬧爆《衝上雲霄2》嘅助導亂排通告，點知反被網友指摘Chilam唔識體諒助導人工奀、做餐死，搞到佢要認低威話：「自己太緊張及執著，演戲生涯有一半時間要等，有甚麼出奇？自己只是過客，不是長年累月作戰的人，沒資格去講」以平息民憤。
Chilam跟恤衫男在跑馬地握手寒暄，態度友善。
日前Chilam開住價值四百萬嘅超級跑車林寶堅尼去赤柱和石澳一帶兜風散心，本來戴住副超揸車好悠閒嘅佢，一見到東姑即刻眼超超兼速閃，睇嚟仲係成肚氣！
幾日後，東姑又喺跑馬地撞到佢，今次佢揸住另一部車仔去車房換胎，仲好友善咁同一名恤衫男握手吹水，其後恤衫男幫佢將部車駛離跑馬地，回復好心情的Chilam離開時更邊行邊笑。
早前鬧爆助手嘅Chilam，近日揸住架四百萬超級跑車出巡。
當日佢單拖遊車河，心情明顯改變不少。
心情好的他，雙手插袋笑笑口離開
