主頁>娛樂圈 >娛樂追擊>胡楓分享長壽秘訣
即將八十一歲嘅修哥胡楓，老當益壯，體魄絕對拍得住啲後生仔，既然有咁好嘅健康，同埋咁豐富嘅人生閱歷，修哥當然要公諸同好。
早排，修哥出席慈雲山聖文德天主教小學嘅家長教師會第十二屆周年大會，今次周年大會嘅主題為「健康生活，豐盛人生」，所以邀請修哥擔任主禮嘉賓，而東姑亦有幸出席。當日，修哥不僅為家長教師們載歌載舞，仲為佢哋分享寶貴嘅人生經歷，當中包括三個錦囊——注意健康、關懷身邊嘅人同埋勤力學習，以引導佢哋邁向豐盛人生嘅生活指標。
胡楓喺校長黃麗貞陪同下，喺台上分享三個生活錦囊，包括：注意健康、關懷身邊嘅人同埋勤力學習。
胡楓喺台上獻唱〈月亮代表我的心〉，同一班學生一齊載歌載舞。
.[東周刊][娛樂追擊]胡楓分享長壽秘訣
http://veryy8.blogspot.com/2012/12/blog-post.html
