[FACE]金叵羅 趕住復出 林嘉欣 300萬保險護胎

真面目

金叵羅　趕住復出　林嘉欣 300萬保險護胎

2012年12月19日

10年，林嘉欣和導演袁劍偉突然宣布在加拿大奉子成婚，同年 10月誕下女兒 Kayla，並決定暫別娛樂圈。

事隔 2年， 34歲林嘉欣決定復出並再次懷孕，但今次一反常態，高調在活動宣布有喜。上星期，林嘉欣為好友梁詠琪（ Gigi）復出拍微電影，拍攝前一星期 Gigi才得知林嘉欣大肚 3個月，曾打算延期拍攝，但鬼婆性格的林嘉欣堅持挺肚上陣， Gigi只好為好友加大保險至 300萬保住蛇 B。

梁詠琪第 2次執導微電影，今次替「愛護動物協會」再操刀，寫好劇本之後，即想起搵姊妹林嘉欣幫手， Gigi說︰「其實嘉欣生 咗之後都好少見面，估唔到佢一口就應承，仲話好有意義。」

放大圖片

足穴消腫

已經有懷孕經驗 嘅林嘉欣，直言今次比上一胎佗得辛苦，工作人員教佢腳底按摩紓緩腳腫。

放大圖片

靈位包圍

雖然剛有身孕，不過林嘉欣即使到靈灰閣拍戲都百無禁忌，只是出出入入助手都用頸巾同氈包到實，大肚婆唔凍得呀！

一 take搞掂

今次林嘉欣純粹「友情價」演出，殊不知拍攝前一星期，林嘉欣才通知 Gigi再為人母， Gigi說︰「嘩！真係好大壓力，唔想嘉欣咁辛苦，但佢好專業，好多都係一 take過搞掂，盡量早 啲收工。」身為公司老闆的 Gigi，直言為了女主角的安全，得知林嘉欣大肚後，馬上加重 300萬意外保險，表示誠意之餘，又可令林嘉欣拍得安心。

放大圖片

10年，林嘉欣在加拿大註冊結婚兼養胎，事後才向傳媒公布，今次有第 2胎，一反常態高調報喜，女兒現年 2歲。《蘋果日報》圖片

放大圖片

轉做導演

Gigi婚後刻意轉型，先後執導過兩套微電影，據聞佢仲寫緊劇本拍電影，十足當年張艾嘉一樣。

放大圖片

老公探班

每個月 嘅 12號， Sergio都會同老婆慶祝一下，慶祝咩？原來因為佢哋喺 12號相識，今次 Sergio買 咗 9枝玫瑰探班，真係 sweet到暈。

放大圖片

每月慶祝

Gigi老公 Sergio收工之後即刻到場探班，林嘉欣大讚 Sergio識得 氹老婆，仲講笑咁話，要返屋企同自己老公詐嚇型。

佗得辛苦

拍攝當日，林嘉欣還未公布有喜，但已經難掩 3個多月大肚，不用埋位時，林嘉欣都坐在一邊休息，她說︰「其實一路都希望追多一個，大女都已經 2歲，覺得係時候，今次佗得比上次辛苦，經常都作嘔作悶，好彩導演好體諒。而自己好希望今次可以順產，因為第一胎臨盆前 BB臍帶纏頸，迫住開刀。」女兒 Kayla知道快要做家姐，有沒有呷醋？林嘉欣說︰「冇喎，佢仲好興奮，不過 Kayla好黐身，做 咗媽咪之後，選擇工作都唔可以離開太耐，個女會打電話 check我，哈哈！」

放大圖片

性感穀奶

上週六（ 15日），林嘉欣罕有性感出席活動，大肚三個幾月的她已有穀奶現象。

放大圖片

5/12孕味濃

林嘉欣著住大鬥篷、平底鞋出席活動，當時已疑似有孕。

復出告別「星皓」

放大圖片

MV撐老公

老公袁劍偉幫 Eason首〈信任〉拍 MV，林嘉欣為撐老公，上月獻出復出第一擊。

小休 2年，林嘉欣再次佗 B，但又突然急急復出，上月先為陳奕迅客串 MV女主角，之後再出席公開活動；上週六（ 15日），又到澳門「星光大道」進行打手印儀式。據知 2年前，林嘉欣與星皓已由經理人合約改為代理人合約，最近更加以「自由身」接洽工作，林嘉欣亦有意另覓新經理人。問到林嘉欣復出大計，她直言最近收到 3個飾演孕婦角色的劇本，林嘉欣說︰「廣告和活動暫時都可以應付，拍戲真係要考慮地點，因為唔可以離開個女太耐。」

.[FACE]金叵羅　趕住復出　林嘉欣 300萬保險護胎
http://veryy8.blogspot.com/2012/12/face-300.html