搜尋此網誌

2013年3月30日星期六

[忽然1周 922 ENTERTAINMENT] 捲入基鴨風波 白健恩:我死蠢!




娛聞樂

捲入基鴨風波 白健恩:我死蠢!

香港先生歷年來負面新聞多籮籮,先有黃長發搭上鞋王三奶李姿霆;去年富商劉定成裸照案,亦被爆私藏多位港男肉照。近日,原本個底冇花過、憑劇集《法網狙擊》強暴高海寧響朵的落選港男白健恩,驚爆捲入「基鴨」事件。事後白健恩對本刊交代此事,三度表示:「我死蠢!」

跳舞出身的白健恩,練出一身好肌肉,加上外形斯文,令他成為同志的獵物。

上周,有周刊圖文並茂,報道白健恩透過中間人在同志聊天室招攬生意涉嫌賣淫,一對一服務收$55,000,一對八服務則每人收$35,000。該周刊記者放蛇,相約中間人在天水圍嘉湖海逸酒店會面的同晚深夜,白健恩亦在酒店附近現身,被指形跡可疑,見到記者更拔足狂跑。最終白健恩停低做訪問,前言不對後語,及向記者求饒放過他。

白健恩在美孚新邨長大,父母經營舊式零食店,最近在長沙灣買了一個約 700呎單位一家人同住,白健恩現時也有夾份供樓。上周五( 22日),本刊跟白健恩面對面做訪問。對於是否有財政困難,他斬釘截鐵表示:「我經濟狀況冇問題,每月供樓都係幾千蚊,其他開支都唔多。」至於被指賣淫,白健恩撐到行說:「我冇賣淫,亦冇意圖賣淫。」

賣淫傳聞

上周,有報道指白健恩在天水圍賣淫。當時他驚到狂奔,最終局住接受該周刊訪問。《 FACE》圖片

上周二「基鴨」報道一出,白健恩當晚出席《白宮淪陷》首映時,即成新聞人物,被近廿名記者追訪。《蘋果日報》圖片

答到一嚿嚿

不過提到為何深夜入天水圍,他則講到一嚿嚿:「朋友約我入天水圍飲嘢,佢話佢住天水圍嘛。有時唔係淨係我入天水圍,佢都有出嚟。(除咗嗰次,你都有入過天水圍搵呢個朋友?)唔係。(但你頭先話有時會入天水圍?)我打個比喻啫,好似我住柴灣,佢住天水圍咁。可能佢見我終於肯入天水圍,咪設個局害我。(佢爭你好多錢咩?)千幾蚊囉!(敢唔敢同個中間人對質?)敢,但我之後都搵唔到佢啦!」雖然已事隔數天,但白健恩依然答到口窒窒。

提到報道暗示他是同性戀,他又回復冷靜:「我拍過三次拖㗎,廿歲初戀仲失埋身俾女仔。」

去年,本刊兩度斷正白健恩會富家女莊思敏,事後兩人亦表示不排除發展機會。對於白健恩捲入基鴨事件,莊思敏說:「我唔信佢會咁做,好明顯佢係鍾意女人啦,亦相信件事唔會影響佢!」

佢鍾意女仔。(真實對白)

高 Ling帶挈

去年,白健恩在劇集《法網狙擊》飾演富家子,仲強暴了咪神高海寧。該集播出後,迴響很大,亦令他成功打響知名度。

高層怪責

對於有報道指白健恩涉賣淫。外事部總監曾醒明表示:「白健恩同經理人都出嚟解釋咗誤信他人,不過都有提佢交朋友要帶眼識人,公司都信任佢。」

公司信任佢!(真實對白)

今次事件鬧出軒然大波,白健恩亦答出大頭佛,他表示事後驚到晚晚失眠,「頭兩日我咩電話都唔敢接,驚愈講愈錯。我不停怪責自己做乜咁蠢!父母有睇到啲新聞,問我咩事,都驚我識錯朋友。」

據知事發後,無綫即急 call白健恩「照肺」,其間有高層更大罵他好蠢,反應很不智。

為此白健恩回應說:「報道見街後,我係有打俾何小姐(藝員科高層)講番件事。佢鬧我好蠢,點解唔立即走,仲要同對方做咗咁長訪問,又唔即時報警或者通知經理人。唉!今次件事真係怪我唔醒目,我死蠢!信錯朋友。(咁無綫信唔信你?)佢哋信我冇做過任何不道德交易。嚟緊我都會客串《情逆三世緣》,如果無綫係封殺我就唔會俾我做。」

記者對他說,發生這件事件,的確有不少人對他投不信任票。他聽罷反一反眼,攤一攤手:「我唔理人哋點睇,總之我冇賣淫。」

基鴨事件後,萬箭穿心的白健恩,幸得到無綫諒解,最近還有不少客戶看中他有新聞而找他工作。求證白健恩經理人 Tiffany,她表示:「嚟緊佢會客串電影《冬戀望日》,飾演一個富家子。佢仲接咗『衍生清熱茶』同『蒲和日式放題』兩個廣告。」看來今次事件,白健恩都死唔曬。

網友半信半疑

白健恩今次牽涉「基鴨」事件,成為城中熱話,網友更熱烈討論,有人話佢今次水洗唔清,亦有人撐白健恩及戥佢慘。不過點都好,事件顯然對佢負面影響較多。

撰文:娛樂組 

攝影:陳偉強

協力:李梓軒

髮型: Jacky Au@Hair Corner

服裝: D-mop


.[忽然1周 922 ENTERTAINMENT] 捲入基鴨風波 白健恩:我死蠢!
http://veryy8.blogspot.com/2013/03/1-922-entertainment_30.html
Related Posts Plugin for WordPress, Blogger...