鄺美雲開金口冧男友

媽咪姐

鄺美雲開金口冧男友

富婆鄺美雲自從從商後，都甚少公開獻唱，今次佢肯踏上紅館表演，當然離不開同佛有關。上周六（ 6日），「香港佛光道場」喺紅館舉行嘅「人間音緣」音樂會。會長鄺美雲義不容辭大開金口，打頭陣唱星雲大師填詞嘅佛歌，仲同班小朋友又唱又跳，非常俾面。

為自己宗教護航，鄺美雲當然落力，但最令媽咪姐估唔到，係佢竟然喺台上曬幸福話︰「我覺得自己好幸福，有拖拍固然幸福。」而台下嘅男友林達民就聽到入曬神。鄺美雲講佛偈都講到咁冧，難怪佢男友都信埋佛喇！

落力跳

搞珠寶生意嘅鄺美雲，次次出動都珠光寶氣。今次佢以佛光會長身份表演，只簡單戴上耳環見人，喺台上又唱又跳，仲擺埋 cute爆手勢，真係好少見。

男友台下冧爆

首次睇鄺美雲公開獻唱嘅林達民，坐喺第一行望實，事後仲大讚女友靚聲，認真 sweet。

chok男俾面

鄺美雲大面，請到林峯同主力北上搵食嘅陳曉東做表演嘉賓。望真啲，今年 38歲嘅東東 young過 33歲林峯，認真神奇。

. 鄺美雲開金口冧男友
http://hittt.blogspot.com/2013/04/blog-post_3531.html