梁家輝承諾 拍港片唔加價

出爐影帝梁家輝前晚出席電影《寒戰》及《大追捕》慶功宴，戴著溥儀眼鏡贊助的LOTOS鑽石眼鏡的他率領眾演員Janice Man（文詠珊）、「最佳新演員」徐家傑、「最佳導演」兼「最佳編劇」梁樂民及陸劍青等在門外開香檳慶祝。提到得獎一刻與老婆激咀，家輝笑謂：「有獎先有得咀，要爭取機會，都唔係好激啫，老夫老妻。」他指拍港片不會加片酬，並謂若獲邀定會參與《寒戰》續集。對於被黃秋生寸老，家輝說：「佢講真話啫，佢都好尊重前輩、好坦白。」

出爐帝後梁家輝及千嬅面貼面互相祝賀。

兩位導演亦坦認會開《寒戰》續集，但陸劍青否認周潤發加入的傳言：「唔係我哋講，續集新人物唔止一個，但發哥冇接觸過，我哋亦簽咗保密協議。」談到郭富城未獲提名，問會否於續集力穀他？梁樂民攬上身說：「係我哋唔啱，今次會寫好啲。」

梁家輝在慶功宴上表現興奮。	《寒戰》成金像獎大贏家，主演之一的郭富城大方撐場。	文詠珊的性感裝束令人眼前一亮。

上一則

下一則

.梁家輝承諾 拍港片唔加價
http://hittt.blogspot.com/2013/04/blog-post_551.html