搜尋此網誌

2013年5月2日星期四

《金枝》女壓力爆煲 伍詠薇中醫養命




探熱針

《金枝》女壓力爆煲 伍詠薇中醫養命

新劇《金枝慾孽貳》上週一開播,觀眾口碑十分麻麻,收視平均亦只得二十三點,成績遠低於○三年出街的《金枝》壹。

珠玉在前,演員孭住包袱開工,換來沉重壓力負擔,孭重飛的鄧萃雯患上自主神經失調症,蔡少芬要放棄照顧女兒,集中心機背對白,在劇中飾演淳太妃單挑兩屆視後如妃的伍詠薇,健康同樣出問題,劇集收工至今,依然要睇住中醫。

對於出盡力卻被網民插爆指演技浮誇,伍姑娘說:我照阿戚(戚其義)要求做。

失調又便秘

自薦演出《金枝慾孽貳》淳太妃一角,演齡超過二十年的伍詠薇,從無諗過與神級監製戚其義合作,後果變成受靶。

可以跟出名好戲又認真的鄧萃雯合作,口講要自己保持開朗心境去開工的伍詠薇,拍攝期間竟然出現飲食失調甚至緊張引致便秘,亦引致過去返內地搞美容,劈住酒傾生意應酬,一度令肝功能受損的問題又再度 復發。

「伍姑娘做嘢好投入,之前兩年冇拍劇,集中喺內地搞自己品牌美容產品,好多時都返去內地應酬,因為要成日飲酒,搞到個肝都傷曬。到佢拍《金枝慾孽貳》就更辛苦,伍姑娘話自己未試過要記咁長對白,加上對住雯女有壓力,佢以為自己背到好熟,點知一接觸到雯女眼神,個腦就突然空白曬,要 NG再嚟。拍完套劇,伍姑娘都再睇番中醫,又 keep住行山,要調理番好個身體。其實劇中嗰班宮女個個都捱到爆曬,好多人健康都有問題,只係冇雯女咁大鑊。」劇中工作人員透露。

在老友黃佩霞陪同下到耀華街睇中醫。

睇完中醫,二人再去咖啡室繼續傾,伍姑娘更愈講愈肉緊。

做完瑜伽,二人到附近食車仔麵醫肚。

行山瑜伽減壓

上週五(四月二十六日),連續多日為《金枝貳》出席宣傳活動的伍詠薇,抽出時間去做運動及睇醫生。

中午十二點左右,她由貝沙灣屋企出發,到銅鑼灣瑜伽中心跟老友黃佩霞做運動兩粒鐘後,二人孖住到附近的車仔麵檔醫肚。食飽後,伍詠薇到莎莎買護膚品,再行過耀華街睇中醫,黃佩霞一直陪伴在側。

伍姑娘入曬戲,就算開記者會做宣傳,只要著住戲服,即淳太妃上身,奸到出面。

劇集出街當晚,伍詠薇吹雞拉隊到酒店唱 K睇首播,淩晨三點送走老公練海棠後,率「金枝女」在酒店開房過夜談心到翌日。

戚其義要求

對於拍《金枝貳》壞了健康,伍詠薇說:「肝嘅問題係以前積落,為咗盤生意,嗰兩年真係好辛苦;拍《金枝貳》嗰段時間我好緊張,搞到自己好易攰要瞓好多,到而家都要 keep住行山做瑜伽減壓。」

至於被網民插演技浮誇,伍詠薇解釋是按戚其義指示做。「我唔係幫自己講說話,係阿戚想擺一個伏線喺劇入面,因為同如妃鬥嘅係得我一個,對宮女,淳太妃要好溫柔,只係對如妃,先咁用力。」

剛坐完月的蔡少芬和老公張晉,帶住女兒楚兒及媽咪,三代同堂到迪士尼試玩享天倫樂。

監製戚其義跟陳豪、黃德斌以及關禮傑,睇完首播後先行離開。

睇完首播後,伍姑娘跟苟芸慧、梁嘉琪等一班宮女在酒店房繼續飲紅酒,更將合照放上微博幫手宣傳。

飛紙仔出禍

○三年,無綫推出由戚其義監製、周旭明編劇的《金枝慾孽》,各方面都大獲好評;事隔九年,二人再合作炮製《金枝慾孽貳》,為求保住前集聲勢,二人對選角、對白、演員表現都極為着緊,甚至搞到劇中不少演員壓力爆煲。

葉翠翠

因故事內容艱深、太多文字對白,葉翠翠收到劇本後,即使四處求救,仍消化不來,搞到食唔到又瞓唔到,急瘦十磅,要睇中醫調理。

蔡少芬

在橫店開工,蔡少芬雖然帶同囡囡楚兒陪伴身邊,但飛紙仔每日在開拍前十個鐘才收到劇本,令她都要焗住死背,結果令她無時間照顧女兒,還忍唔住訴苦,稱只能記住背稿,而不知自己演什麼。

鄧萃雯

對人對事均要求甚高的雯女,拍攝《金枝慾孽貳》期間因受壓過大,令臉部和頸部生滿紅疹,情緒煩躁不安,更出現甩髮現象,最後證實患上自主神經失調要停工,養病半年,才令病情轉好。

撰文、攝影:娛樂組

mailto:nextb@nextmedia.com


. 《金枝》女壓力爆煲 伍詠薇中醫養命
http://hot104.blogspot.com/2013/05/blog-post_5671.html
. 《金枝》女壓力爆煲 伍詠薇中醫養命
http://hittt.blogspot.com/2013/05/blog-post_797.html
Related Posts Plugin for WordPress, Blogger...