八卦嘢(八卦野) [八卦o野][日日818] : 偷食後遺　 Rosemary變殘

2013年9月21日星期六

既然眼腫面腫， Rosemary就唔該你戴番副超！其實有排先到萬聖節，好心你咪四圍嚇人啦。

早前 Rosemary被影到背住印裔富商男友 Jason，跟另一名外籍男士舌戰，引嚟偷食疑雲。

醜事斷正， Rosemary急急認衰，聽聞男友亦已經原諒咗佢。不過經此一役， Rosemary比之前憔悴唔少。素顏固之然嚇人，當日佢着住嗰件阿婆款雪紡衫，再露紅 bra襯短褲，你話型咩？唔覺！靚咩？ No way！好彩媽咪姐都只係喺街見到佢一眼咁大把，唔係就要洗眼兼飲定驚茶。

衫闊褲又闊，完全冇曬線條，從背後睇，身形似 C9多過超模。

Rosemary同男友 Jason拍拖 4年，感情穩定，經常被影到出雙入對。