不和亞姐被迫握手　羅霖寸爆搞喊黎燕珊

羅霖寸爆　搞喊黎燕珊

羅霖婚變後與內地嫩男傳出緋聞，黎燕珊直斥羅霖影響亞姐形象，令羅霖深感委屈，關係決裂！兩人昨日在事發後首次碰頭，現場充滿火藥味，最初兩人完全零交流，記者要求合照，她們竟找來顧問葉家寶企中間，接著黎燕珊黑面轉身走，經記者再三要求，黎燕珊突然變面「交戲」，主動跟羅霖握手，好戲連場！難怪連無綫也派人採訪。

由亞洲小姐組成的「仁美清敍」昨日在觀塘為下月2日慈善晚宴舉行記者會，出席有會長黎燕珊、主席羅霖、副主席黎淑賢等一眾亞姐。羅霖與老公劉坤銘分居後，與內地嫩男傳出緋聞，身為「過來人」的黎燕珊未有慰問對方，反而炮轟羅霖影響亞姐形象，兩人即時鬧不和。

【今日我至握】

羅霖婚變傳搭上花，俾黎燕珊寸佢搞衰亞姐形象，噚日佢哋碰頭，初時黎燕珊黑面唔肯合照，之後又突然伸出友誼之手，女人心真係海底針。

仁美主席羅霖和會長黎燕珊鬧不和，合照時要顧問葉家寶扮演中間人做和事佬。

記者再三要求下，兩人終於尷尬合照，但兩人仍然各有各望面左左。

葉家寶左右為難

昨日兩人在活動上沒有交流，台上台下都被人分隔開，活動結束後，記者要求兩人合照，不過要勞煩仁美顧問葉家寶夾在中間做和事佬，拍完後，黎燕珊即黑面轉身走人，羅霖只好呆企，當記者再三要求，黎燕珊突然調頭主動跟羅霖握手，並說：「家和萬事興呀！」事後黎燕珊解釋聽不到要求合照才調頭走。

對於有仁美會員認為要兩年再選一次，問到羅霖會否再做主席一職？她說：「睇情況，唔係因為是非，而係個會運作有冇上軌道，有人話透明度唔高，收唔到email收唔到通知。」提到仁美數目不清楚，羅霖表示有會計師核數，就算篩走會員要有七位理事才能執行。羅霖透露葉家寶曾致電相約食飯，可惜黎燕珊沒空應約，她說：「唔會尷尬，我問心無愧。仁美係所有人同心合力去做，但有啲人誤解咗一個人可以做得到。」

至於黎燕珊指仁美人手不足，一個人要做二十個人的事，才出現會員收不到電郵的情況，工作更忙致忘記兒子25日的生日，說時她差點哭。

黎淑賢則謂透明度不足，令她不清楚下月2日的慈善晚宴的流程，她說：「就連今日頒紀念品畀我公司，我都唔知。」另外，未知兩位亞姐的不和新聞是否很吸引，無綫娛樂新聞台竟派出曾任職亞視的主播林子博到場採訪，實在少見。

採訪：王連連　攝影：陳志嵐

黎燕珊講起因仁美工作忙而忘記兒子生日時激動落淚。

上一則:月曆相早洩　無綫火滾追查

下一則:徐子珊穿崩變Madam Ling