2013年2月5日星期二

《老表，你好嘢！》開續集拍電影

王祖藍、黃光亮、萬綺雯（蚊蚊）、郭晉安、王菀之等今日喺尖沙咀街頭為《老表，你好嘢》宣傳，吸引大批市民圍觀，大多更係自由行，無綫安排保安喺場維持秩序。佢哋公布周一晚錄得32點平均收視，仲向市民派海報同大柑，為咗外圍市民都可以攞到，有人將海報同大柑掟出去﹐點知有市民掟回頭，掟中蚊蚊太陽穴，事後佢表示：「冇事，我食過夜粥，只係聞到柑味。」

監製黃偉聲即場仲宣布會開拍《老表》續集同籌備電影，祖藍話：「又驚又喜，喜係開心得到公司支持，驚係唔知諗咩故事，要靠編劇同編審，電影只得個幾鐘，壓力冇咁大。」製作上有沒有限制？佢就表示高層畀咗好大嘅自由度，但如果太敏感就唔會做。」祖藍仲透露有人已邀請「Oh Baby」出埠演出，但未知各人檔期配唔配合到。

王菀之笑言拍續集的話，就要坐地起價，表示：「我都希望唔使推其他工作就可以拍到。」

《老表》拍續集，點睇？

《老表》咁收得，祖藍功不可沒。

蚊蚊隻腳，真係冇得頂。

《老表》冇呢四位都係唔得。

張斷聰演技被肯定。

安仔同蚊蚊劇中一段情都好好睇。

《我真的受傷了》，今年又hit返！