何父拜金迫女嫁馬主 蕭正楠私藏何傲芝
何父拜金迫女嫁馬主 蕭正楠私藏何傲芝
發黴十年近日憑《仁心解碼II 》一哨上位的蕭正楠（Edwin），升一線在望，月前更以4百多萬置業，但仍未能博得現任女友何傲芝父親的青眼！何父嫌窮棒打，Edwin 惟有在新屋藏芝，人前死口唔認戀情；自小已帶兩女出入馬場一心培訓女兒釣馬主的何父，周日入馬場搏殺時乍聞蕭正楠三個字當場火都嚟！
(第798期《東方新地》)
何傲芝鍾情蕭正楠 何父嬲爆反對
《仁心解碼2》雖然有唔少女神（苟芸慧、陳茵媺、李亞男同朱璿）坐陣，不過其實套劇最受歡迎嘅係蕭正楠(Edwin)至真，佢今次喺劇中飾演哨牙仔，其搞笑嘅造型令觀眾留下深刻印象，成功上位。連帶Edwin喺內地嘅登台騷接到手軟，衰咗十年嘅佢今次終於番身喇，佢更喺去年底以464萬買入葵湧華景山莊一間800幾呎單位，仲同女友何傲芝同居o添。
不過Edwin同Gigi嘅戀情一直遭到Gigi父親反對，何父一直都悉心栽培何氏兩姊妹釣金龜，不過Gigi一於少理，鍾情Edwin。3月22日，Edwin生日前夕就同Gigi被拍到喺屋企附近，佢哋放棄外出慶祝，留喺屋企過二人世界。過兩日(3月24日)，何父現身馬場，被記者問到有關Gigi男友Edwin嘅事，佢一聽到後就發火話：「唔講呢個人。」雖然Edwin o依家成功上位，不過似乎何父對於Edwin嘅成就一啲都睇唔上眼，據知，何父覺得Edwin36歲人先有層400萬嘅樓係冇咩了不起，仲話：「成36歲，400萬諗住供幾多年。」唉，係其實女大女世界，個女想同邊個一齊咪一齊囉，唔通真係賣女咩？Uncle。正所謂：「寧欺白鬚翁，莫欺少年窮。」
Edwin今次哨出同明天喇，加油呀！ 
何傲芝。 
何父（中）栽培兩個女釣金龜，如今重任留番俾（左）妹妹何傲兒喇。
.何父拜金迫女嫁馬主 蕭正楠私藏何傲芝
http://veryy8.blogspot.com/2013/03/blog-post_4737.html
