有話兒：蒙嘉慧收服孫悟空鄭伊健
別人眼中的鄭伊健，是處處讓人呵護且人人想得而嗒之的唐僧，但在蒙嘉慧眼中，老公卻是個懂得照顧身邊人的爛玩孫悟空，而且真箇一物治一物，蒙嘉慧比伊健更爛玩的性格，反而把他收服，讓伊健變成負責任的男人，跟她完婚展開人生新一頁。
撰文：羅美倫
蒙嘉慧與鄭伊健拍拖六年，終在今年1月28日於東京成親，伊健曾有過幾段矚目戀情，亦曾被視為不會結婚的大細路，但最終卻把婚戒套在蒙嘉慧手上，完成人生大事。
榮升鄭太，蒙嘉慧生活依然低調，近日高調做專訪，是為了宣傳她在無綫拍的最後一部劇集《仁心解碼II》。談到三月底約滿後的計劃，她說：「所有嘢仲傾緊，未有定案，只要製作、角色、過程好就做。」有說伊健開玩具公司讓她揸數，蒙嘉慧笑言：「照顧三隻貓、打掃間屋就係我最大生意！唔會喇，我哋好懶，連租樓畀人都懶查租客過數未，我哋興趣唔喺呢度，世界開始亂，寧願享受世界，多做善事。」
■蒙嘉慧自言比伊健更爛玩，但反而因此收服了伊健這隻孫悟空，令他變得成熟。
攝影：林德雄
髮型：Coren Chung@Hair
化妝：Dephine Chan
服裝：i.t
場地提供：Zeta Clinic
■蒙嘉慧與鄭伊健拍拖六年，終在今年一月於東京完婚。資料圖片
■戴上婚戒穿上婚紗，蒙嘉慧的笑容甜蜜無比。
資料圖片
拒絕生B怕坐監
蒙嘉慧婚後甚至不會減產，還笑說：「我一向每年一、兩部劇，再減咪餓死！」有老公養，做少奶奶那會餓死？少奶奶名詞令蒙嘉慧很大反應：「我工人都冇?，我係奴婢命，成班朋友嚟玩，我鍾意自己落街買嘢，因為享受過程，等如父母養仔女，嚇嚇畀人湊，冇享受過程要個小朋友嚟做乜呀。」會生BB？她說：「唔會喇，有小朋友一定自己湊。」咪少咗時間玩？她回答：「十月懷胎好似坐監咁，我冇犯事，唔好啦！」
伊健被視為唐僧，蒙嘉慧卻不以為然：「佢唔似唐僧咁受保護，拍拖到??家佢都保護緊我，佢係孫悟空，好動爛玩周圍走，佢屁股係尖?！」對於一個過度活躍症的老公，原來蒙嘉慧天生有治他的本能，並漸漸令他轉變：「同大細路相處之道，就係我比佢更大細路、玩得更癲，我鍾意玩，但玩嘅能力唔高，對住個爛玩嘅人，佢就變成一個唔敢亂嚟嘅人睇住我，例如去行山我會諗帶乜嘢去食，佢就會諗帶乜嘢求生用品，可能咁令佢覺有責任睇住我，令佢成熟咗。」像是慣於被人照顧的伊健，原來因為蒙嘉慧，早已被迫長大。
■蒙嘉慧和伊健早前完婚返港，兩人甜絲絲地大曬婚戒。
「我交咗條命畀佢」
伊健曾在台灣訪問中說過，跟蒙嘉慧結婚因為她從無催婚，她坦言：「由頭到尾冇特別諗結婚，我媽媽走時，大家有心態即使冇結婚，都相信呢個人會睇住我、錫我，嗰刻我唔係要求張婚紙，但結婚後至醒覺，諗番好彩結咗，好多人同居多年，一路認同對方，突然有事入醫院，如冇結婚，另一半只係一個朋友，唔可以代表佢做任何嘢，若我有事，都要有個人代我決定留唔留我，呢一刻絕對係佢，我交咗條命畀佢，如果冇婚書，法律上做唔到任何嘢，我哋都慶幸做咗。」
蒙嘉慧最欣賞伊健孝順，她說：「佢好有耐性對老人家，會教爸爸打機，唔係畀家用食餐飯就算，睇呢啲就知佢好錫身邊人。」最令蒙嘉慧感動是她母親病重時，她剛在內地拍劇，她說：「佢係內向怕醜仔，唔叻同人溝通，但佢盡最大努力??我媽，我忙佢仲忙，佢花時間陪我媽為咗唔想我擔心，做嘅嘢都係為我，好窩心。」
視伊健缺點為優點
■蒙嘉慧欣賞伊健孝順樂觀，但卻堅稱不會跟老公一同工作。
兩個大細路相處，開心的時間特別多，問到伊健有甚麼缺點，蒙嘉慧最終也視之為優點，她說：「佢記性超級差，佢覆述嘅嘢信七成，再要自己求證，但好可愛，亦因為記性唔好，佢個世界冇乜仇恨。」至於自己的缺點，蒙嘉慧自言沒有完美的人，故不斷改善。做了別人老婆，更受到老公影響，原來蒙嘉慧的企理也是從伊健身上學來的，她說：「我好唔企理，佢會幫我執又提我，同佢出埠佢連紙袋都執好，因要尊重執房嘅人，我明白佢出發點唔係為企理，係為人哋執房唔好咁辛苦，??家我都學咗多啲幫人諗。」還有，當然少不得要努力鑽研烹飪??老公啦。
■去年伊健開騷，在舞台上被好友們催婚，台下的蒙嘉慧甜在心中。
資料圖片
■蒙嘉慧愛打羽毛球，和伊健的羽毛球情緣曾是一時佳話。資料圖片
■黎諾懿（右）和蒙嘉慧及伊健是好朋友，所以撮合了這對佳偶。資料圖片
拒絕和老公合作
工作方面，蒙嘉慧是否介意與老公一同拍戲，她斬釘截鐵說：「完全唔想呀！平時已經見，開工唔想有接觸，演員好主觀，最忌教人，教過就會期望高咗，但容忍度低咗，佢成日都話我死拗，乜都拗一餐，而且，我唔想俾人見到我小鳥依人嘅一面，哈哈！」
.有話兒：蒙嘉慧收服孫悟空鄭伊健
http://veryy8.blogspot.com/2013/03/blog-post_9.html
