搜尋此網誌

2013年3月6日星期三

[FACE]私房嚇 屋企開壇 張栢芝邪養 4鬼仔催情

15萬佛牌上身 <br><br>11年栢芝和霆鋒鬧婚變期間,右手戴住經泰國師傅開光的平安繩,身上戴住價值 15萬港幣的筍笛佛牌現身。圖片


真面目

私房嚇 屋企開壇 張栢芝邪養 4鬼仔催情

2013年03月06日

娛樂圈運氣好緊要,拜神拜佛在圈中十分普遍。本刊得悉話題女王張栢芝除了曾篤信基督教和觀音之外,原來亦有拜泰國的神佛,更養泰國的「鬼仔」。

據知,張栢芝自 11年與謝霆鋒離婚後,不少網民都撞過栢芝與兩名兒子到泰國。帶仔玩只係偶爾,傳她定期帶佛牌和鬼仔返廟加持。「養鬼仔」已有過 10年歷史的栢芝,本身已有多個佛牌和養有 3個鬼仔,自離婚後更多養一個如人般高大的大型「鬼仔」,務求凝聚更多力量,讓她早日再遇上真命天子。

入行已經 15年的張栢芝新聞不斷,無論事業或感情都成為娛樂頭條,不論好壞新聞,次次都有話題。

養足 10年  Lucas禁地

早年仍住在舂坎角的張栢芝,傳已於豪宅中安排一房間作供奉古曼童(鬼仔)之用,不過由於怕影響小孩, Lucas(右圖左)及 Quintus(右圖右)嚴禁進出。

放大圖片
放大圖片

《蘋果日報》圖片

愈養愈多

放大圖片

今年 2月,栢芝又帶住 Lucas和 Quintus去泰國,唔知有冇返去廟度加持同埋探第四個古曼童呢?

栢芝 11年與霆鋒離婚,亦同時被揭發她有拜泰國佛的習慣。本刊翻查資料,原來 03年栢芝曾高調自稱信基督教,間中亦被影到佩帶觀音像頸飾,但以栢芝在 11年與霆鋒鬧離婚時期所佩帶的佛牌最神秘。

據知栢芝所戴的佛牌屬泰國五大古佛之一的筍笛佛( Phra Somdej),而栢芝更在入行前、後傳都請過古曼童(俗稱鬼仔)助運氣。

據九龍城一佛牌店東主稱:「聽人講栢芝入行時已經帶咗一個古曼童返屋企,仲係最細嗰個款,嗰時個行家都係 sell佢可以隨身帶住,當時佢話要求愛情喎。佢同佢老公(霆鋒)出事之前就親自過泰國請多咗兩個(古曼童),全部都帶曬返屋企供奉,一個係求愛情、一個係求健康,上年聽講仲請多咗個添,不過呢個屬於大 size,有人咁高,所以佢安放咗喺泰國一間廟度,返去加持時至順便探佢,平日有廟入面啲人幫佢打理。」近年栢芝不時被見到在泰國出現,令人相信是為佛牌和古曼童加持。

100萬養古曼童

據知栢芝每次搬家,總會在家中預留房間作供奉泰國神佛和古曼童(鬼仔),粗略估計栢芝家中的佛壇應近百萬。不過佛壇亦有平有貴,信奉者只需每日打理神壇、上香、念經等,亦要定時返泰國為佛牌和古曼童加持,目的係潔淨佛牌。不過佛牌一定唔可以整濕,所以栢芝鎖門,唔畀 Lucas同 Quintus入神壇。

放大圖片

一般參拜泰國神佛信徒都會在家中起個壇,據知栢芝家中除安放三位古曼童外,更有不同泰國神像同時供奉,未計神像,花費最少十幾萬。(有關相片並非栢芝神壇和古曼童)

放大圖片

古曼童可以不同形態作供奉,藏著「鬼仔」的油及骨灰。每日有新鮮白飯、上香、糖果加玩具,獎賞就輕易滿足佢哋。左邊兩款為安放家中供奉的中型古曼童。資料圖片

15萬佛牌上身 <br><br>11年栢芝和霆鋒鬧婚變期間,右手戴住經泰國師傅開光的平安繩,身上戴住價值 15萬港幣的筍笛佛牌現身。圖片

長戴平安繩

放大圖片

11年栢芝離婚前到瑞士拍特輯,其間一直戴住平安繩以保靜心,可惜衝動派栢芝仍然與記者發生衝突。

闢室供奉

古曼童必須供奉,據知栢芝早年買入的古曼童只安排一小地方作供奉,但婚變一事傳令栢芝再次向古曼童求救,更在細佬豪龍介紹下到佛廟買筍笛神牌時,買多兩個古曼童返屋企。

「師傅幫佢哋整咗個神壇喺屋企間房,但係供奉古曼童要畀飯同玩具,栢芝唔想畀 Lucas、 Quintus亂掂啲古曼童,所以佢長期都鎖門,只喺供奉嘅時候先至入去,正常要念經添,不過佢咁忙,唔知佢有冇喇……」據知養古曼童最忌不守供奉時承諾,沉迷「邪門」,始終令人擔心。

「養鬼仔」是邪門左道,有坊間師傅亦向本刊說,如果處理得唔好,如不小心將鬼仔沾水,就會令「鬼仔」發嬲,隨時適得其反,令到「主人」諸多疾病諸事不順,這門「玩意」,唔掂為妙。

放大圖片

狂接內地騷

上週栢芝到北京拍攝節目《舞出我人生》,雖然已貴為兩子之母,但依然胸大腰細腳幼,唔怪得話舞蹈員有「動 L」之嫌啦!

放大圖片

新歡係「姊妹」

去年 11月,栢芝去睇草蜢演唱會時,被指身邊男友人就係新男友,但後來經查證後,該男友人係李浩林密友,跟栢芝其實只係「姊妹」。

放大圖片

前夫講拍拖

週日( 3日)謝霆鋒出席導演會活動被問到係咪冇心拍拖:「如果話冇就真係唔會有,所以我講幾時都要有。」學咗黎明咁玄喎!

栢芝: Lucas唔黐身

雖然復工後幾部電影的票房都未如理想,不過離婚後栢芝依然生活無憂。

據知,她上星期便以天價亮相央視節目《舞出我人生》。上月 28日晚栢芝練舞至半夜 3點,到早上 8點便坐飛機到北京,即晚亮相節目。記者問她擔不擔心一對寶貝仔,栢芝話:「大兒子 Lucas逐漸大了,理解媽媽工作,不太像小時候那麼黐著我。他現在 6時起床上學 7時放學, 8時便上床睡覺。」好彩 Lucas生性,所以即使栢芝未遇到第二春,有仔一樣萬事足!

閒時冇工開,栢芝都會親自接送 Lucas返學放學,不過上週記者喺栢芝新居世紀大廈等候多天都不見二人。至於 Lucas所就讀的加拿大國際學校,亦不見 Lucas影蹤,唔通 Lucas又轉校?

放大圖片

圖片

放大圖片
15萬佛牌上身 <br><br>11年栢芝和霆鋒鬧婚變期間,右手戴住經泰國師傅開光的平安繩,身上戴住價值 15萬港幣的筍笛佛牌現身。圖片

乜都信勻

放大圖片

信基督

03年栢芝高調向外供稱信奉基督教,直至 2010年,她都戴住十字架頸飾出席奧比斯活動,但從未有傳媒影過栢芝出席主日崇拜。

放大圖片

轉拜觀音

唔知係為襯衫定係轉軚,間中栢芝又會被發現戴住鑽石邊的觀音像,仲要不只一次,似乎相當虔誠。

放大圖片

沉迷泰國佛

自 11年栢芝身上的泰國「筍笛」佛牌曝光,栢芝便不避嫌戴住佛牌周圍去,更同時戴住兩個佛牌,舉起手指公影相。近年仲經常往返泰國。

陳師傅:「養古曼童切忌墮胎」

放大圖片

陳譽之

據擁有多年泰國法科經驗的玄學家陳譽之師傅說:「養古曼童係儲功德,佢哋會好好保護主人,基本上你可以叫佢做好多嘢,當然傷天害理就唔得啦!但要切記應承佢嘅嘢要做到,例如佢幫咗你之後嘅獎賞之類。你會 feel到屋企多咗個人,佢唔會畀你見到嘅,放心!但切記一定唔可以墮胎,因為古曼童大部分都係墮胎而製造出嚟,如果你咁做,佢會發癲,因為你勾起佢嘅弱點。」

電影香港仆

栢芝 06年與霆鋒結婚後做足 5年少奶奶至因離婚而復工, 11年離婚後即以天價簽約國內 AEG新亞洲娛樂,連續接拍 5部電影,仲自資開埋「張栢芝工作室」,實行自己接 job捧人一條龍。

可惜栢芝復出後幾套電影在港票房均仆直,甚至在國內也不見大收,只有《河東獅吼 2》有近 8千萬人仔,得呢套較好。栢芝更被封「票房毒藥」。睇嚟栢芝都係出多啲內地騷吸人仔仲好啦。

放大圖片

《無價之寶》

票房: 121萬

放大圖片

《楊門女將之軍令如山》

票房: 40萬

放大圖片

《河東獅吼 2》

票房: 15萬

放大圖片

《影子愛人》

票房: 11萬



.[FACE]私房嚇 屋企開壇 張栢芝邪養 4鬼仔催情
http://veryy8.blogspot.com/2013/03/face-4-face.html
Related Posts Plugin for WordPress, Blogger...