樂基兒再婚 嫁老外教練
據今期壹週刊報道，黎明前妻樂基兒上月中已經接受新西蘭滑浪教練Cuz求婚！這個Cuz就是之前爆出床照的那個。日前，Cuz將戴求婚鑽戒的求婚相擺上網，宣佈已求婚成功，預計半年內成婚。當事人沒回應，但樂基兒的朋友，就替女方擔心。
黎明日前拋出金句謂：「如果唱歌有含意就大件事，咁就乜都唱唔到，行又行唔到，做又做唔到人o架喇！」何出此言？因為黎明一首新歌，《我可以忘記你》。摘錄幾句歌詞睇睇：
「付出的受傷的通通都是你 自私的殘忍的似乎只有我 可惜我並不難過 我僅存的失落 是再不怕寂寞。
「沒有愛過你 我最愛是自己 借感情滿足我好奇 我只敢玩遊戲 對不起 不要介意
「我沒有愛過你 只是愛懷念著你 試一試我能多癡迷 我可以忘記你 不怕想起 才算是勝利」
睇完是否覺得，黎生係意有所指？雖然佢好堅定咁話唔係，但今日有報道爆出一個，令黎生不能不可以忘記你——因為前妻樂基兒要同新西蘭滑浪教練Cuz結婚！
據報道指，呢個Cuz，就係陪失婚樂基兒去峇里滑浪、仲影埋露底床照嗰個。報道指樂基兒上月中已經接受咗Cuz求婚，求婚鑽戒都戴埋仲影埋相，Cuz亦火速將呢張相擺上網，宣佈已求婚成功。但有指樂基兒為免惹怒黎明，所以呢張相，唔夠半個鐘已經刪咗。
樂基兒愛情至上，離婚唔夠半年就想再婚。佢嘅朋友都勸佢三思，但樂基兒聽唔聽人講？問嚇黎生就知。報道話樂基兒同Cuz分分鐘即興喺峇里低調成婚，無奈女方個instagram已經設定為private，想八有難度！
報道指，因為之前有傳樂基兒分咗黎明唔少身家，好似話有成一億，包埋美國一間過萬呎大屋。樂基兒當然否認，亦否認贍養費有千萬。樂基兒呢半年來，拎住筆錢，同Cuz風流快活，又去逐浪，又去曬太陽，飲飲食食。有指樂基兒仲打本俾Cuz，喺峇里買咗個私人沙灘，幫對方開滑浪學校，又俾錢喺峇里買屋仔，雙雙共賦同居，堪稱一條龍服務。
壹週刊 第1204期：分黎明身家 買屋倒貼 樂基兒再婚
.樂基兒再婚 嫁老外教練
http://hittt.blogspot.com/2013/04/blog-post_8266.html
