搜尋此網誌

2013年10月31日星期四

獨眼龍 巨聲幫周志康 寄生蟲入眼 周志康,M1,




周志康睇眼科時做了手術清除眼內異物,右眼貼上一塊大大的紗布,除了止血還防塵埃吹入眼。

探熱針

獨眼龍 巨聲幫周志康 寄生蟲入眼

與孖生哥哥周志文一同參加第一屆無綫《超級巨聲》的細孖周志康,上星期現身尖沙咀一間眼科診所,在內逗留四十五分鐘後,右眼遮上大片紗布;原來康仔寄生蟲入眼,要即時簽字動手術,以免損害眼角膜,嚴重甚至影響視力。

其他影片
即場做手術

上週四(十月二十四日)中午時分,本刊目睹頭戴鴨舌帽的細孖周志康,急步走入位於尖沙咀中間道附近一幢大廈內的眼科診所,在登記處辦好登記手續後,康仔坐低等見醫生,並隨手拿起一本有關保護眼睛的刊物細讀,由於候診病人不多,等不到十分鐘,護士便叫他到診療室見醫生。

四十五分鐘之後,見完醫生的周志康已經變了獨眼龍,只見他的右眼位被藥棉紗布遮了四分一邊臉,攞完藥,便匆匆離開診所。

周志康翌日在電話中回應本刊,答案十分嚇人:寄生蟲入眼!

據他解釋,經醫生檢查後,建議立即動手術,清除眼內異物。

康仔到達眼科診所後,即往登記候診。

等睇醫生時,康仔仍不知自己的眼疾如此嚴重。

右眼做完手術的康仔,木無表情的走在街上,最後乘港鐵離開。

麻醉咗都痛

「最初幾日隻眼好唔舒服,又腫又有分泌物,係感覺到有嘢喺入面。初時以為只係普通眼瘡之類,去咗屋企附近嘅診所睇,但醫生一睇就叫我即刻去睇專科;我都冇諗過咁嚴重,嗰日眼科醫生揭起我右下眼簾檢查,話入面布滿一點點,仲聽到佢提到寄生蟲三個字,建議我即刻做手術。

「聽到寄生蟲三個字好驚,我諗唔到咁多,即刻簽字做咗個手術。雖然醫生滴咗麻醉藥,但我依然感覺到佢用工具挖到好深嘅位置,就算有麻醉都好痛;醫生一邊做仲一邊形容眼入面嘅情況,話有好多異物,又用豬油膏去形容啲膿。」周志康說。

養兔仔的康仔知道動物身上附有寄生蟲,以後會加倍留意衞生,及戒掉捽眼習慣。

手術後三天

康仔一直記錄自己的康復情況,第三天仍然看到紅腫及動手術的痕跡。

手術後五天

雖然右眼下仍有一大塊瘀痕,但已退紅及逐漸消腫。

戒掉壞習慣

出身自第一代《超級巨聲》的細孖周志康,除了主持夜間音樂節目外,間中亦為無綫拍劇。

動手術清除異物後,周志康仍要每日滴藥水搽藥膏。「復原得好好,但而家除咗紗布仲會見到右眼下面瘀咗一大笪,隻眼亦脹咗少少,戴唔到隱形眼鏡,如果要錄影節目,我暫時都要用厚啲粉,遮住瘀咗嘅地方。」周志康說。

養有兔仔的他知道自己寄生蟲入眼後,上網查了很多資料,得悉動物或寵物身上都會附有寄生蟲,以後會小心為妙,他說:「我一向有捽眼習慣,又戴隱形眼鏡,有時摸完兔仔就捽眼,呢啲習慣真係要改。」

罕見病例

去年,香港曾爆發寄生蟲入眼而引起的紅眼症個案,逾三十名港童往新加坡參加英式欖球比賽,回港後多人集體感染角膜結膜炎,後被證實是經一種罕見的「微孢子蟲」造成。

寄生蟲入眼,初期病徵並不明顯,寄生蟲一旦在眼內繁殖,會造成眼睛痕癢、疼痛、發紅及有分泌物,若不及時滅蟲,後果有可能嚴重到要進行角膜移植。



. 獨眼龍 巨聲幫周志康 寄生蟲入眼 周志康,M1,
http://hittt.blogspot.com/2013/10/m1_5325.html
. 獨眼龍 巨聲幫周志康 寄生蟲入眼 周志康,M1,
http://hittt.blogspot.com/2013/10/m1_5325.html
Related Posts Plugin for WordPress, Blogger...