搜尋此網誌

2012年11月14日星期三

[FACE] 飛越來生緣 張繼聰




面對面

飛越來生緣 張繼聰

2012年11月14日

入行第七年,出碟出到第十張,張繼聰愈嚟愈神化,在新碟《 We Are The One》裏宣揚大愛,導人向善。

繼食素、研究宗教、 UFO和末世論、穿起長袍自稱來自 2013以後,最新沉迷的課題是簡稱 SRT( Spiritual Response Therapy)的靈性重塑治療,號稱可以打坐出體、進入自己前世的肉身,也可以用靈擺和圖表作工具,幫別人查探前世治療今世身心不適。

更有報道指她導薛凱琪、王菀之等同行入外星邪教。

我問張繼聰,這和玩碟仙問米有甚麼分別,他答道:「碟仙係請鬼返嚟問問題,我哋係搭線問自己。每個靈魂都係神嘅分神,每個人都經歷過無數個轉世,有一個更圓滿嘅 highself,我哋係搭線搵自己嘅 highself出嚟。」

你可以說這個人癲得徹底、你亦可以理解成他是悟性高,無論如何,這些年、這些理論幫張繼聰走過了被人叫廢柴、被人唱老婆謝安琪搭上陳奕迅的人生低穀:「咩叫活在當下?即係唔使等到同老婆平起平坐、唔使等到攞咗最佳男歌星獎,我一樣抬得起頭、一樣可以同謝安琪幸福快樂咁生活。」

張繼聰說,與老婆的緣分是上輩子、上上輩子的約定,閒雜人等無法幹擾。

絕處逢生

上一次訪問張繼聰,是 08年,正是他兒子出世不久,張繼聰被傳媒和網民口誅筆伐夫憑妻貴、廢柴老公甚至戴綠帽的全盛時期。

當時張繼聰受訪時表示:「我自己知自己搵到錢,提供得起老婆、阿仔同全家嘅舒適生活,使乜理出邊啲人點講?」

四年過去,張繼聰終於承認當時的堅強自信全是死撐,真正的處境其實是難過得想死:「我一直覺得自己無論藝術定音樂都有修為同想法,但係 08年左右,俾人鬧廢柴、傳我老婆同 Eason,根本冇人關心我嘅事業、我又完全無法子改變人哋睇法,啲人點解要死啫?咪就係覺得對現況極度厭惡,好想停止之嘛!當其時,我就係咁,厭惡到想做傻事。」

張繼聰的「神話」,正是從那個尋死的晚上開始,有一把聲音告訴他要放下:「我開始嘗試放低,放棄一啲我原本好 care嘅嘢,突然間覺得好自在,個宇宙其實好靚好舒服。跟住,我開始睇好多書,研究一啲所謂 new age嘅文化,包括 UFO、外星生命、末日論仲有所有預言,跟住再開始學習 SRT,探討自己嘅前世同因果。睇番轉頭,俾人鬧係廢柴嗰段日子,就正正係我嘅菩提,令我成佛。嗰啲鬧我嘅人,前世都係朋友,我哋約好咗呢一世玩個咁嘅遊戲之嘛……唔係阿 Q精神,我真係咁覺得喎……家喺微博仲有好多人鬧我㗎,次次俾人踩完,我都會回覆,話多謝佢畀我上咗一課。有一晚嗰個人覆番我,話覺得自己好慚愧,同我講對唔住。你知唔知,用呢個方法結束一次謾罵,我嗰晚瞓得幾好呀……」

前世今生

人人都有自己的方法走出困境,不過冇乜幾個似張繼聰這種玩到咁大,一時話自己來自火星、一時話靈魂出竅。

張繼聰說,七年前在商場騷第一次見到謝安琪,已經告訴自己「就是她了!」。

這些年多次靈魂出體、體驗前世,終於找到了認定謝安琪的原因:「我第一次見到老婆已經有好強烈嘅感覺:就係佢。第一次傾偈,我覺得呢個靈魂好脆弱,好想好想保護佢。學習 SRT以後,我見到我哋做過好多世夫妻,前一世佢比我早死,所以呢一世我想保護佢,係唔想佢再早死。」

他說與 Kay生生世世是夫妻,不過上一世年紀細細就往生,還沒等到遇到 Kay:「我由 30歲開始右邊膊頭開始痛,咁多年受到肩周炎困擾。

有一次打坐靈魂出體,我去咗前一世嘅身體入面,見到自己係一個秘魯土人,西班牙人入侵,插咗我右邊膊頭一刀,又一槍打死我,死嗰陣時,我得九歲……我仲用靈擺 check過自己同朋友好多次前世,呢一世係我轉世嘅第二萬多世。呢個世界冇投錯胎㗎,所有嘢都係自己揀,所有遇到嘅人都唔係求其撞到……」

放大圖片

新碟《 We Are The One》上月面世,張繼聰說靈修老師有段錄音在碟尾 hidden track教人打坐。

放大圖片

連接兩套無 綫劇集《老表,你好 嘢!》和《巨輪》,殺入電視台賺知名度,張繼聰的解釋是:「無可否認,錢係一樣好好嘅 嘢,呢一世我選擇玩嘅人生係冇乜錢。」

放大圖片

08年謝安琪加盟環球後即與同公司歌神陳奕迅傳出緋聞,張繼聰話,除了被人叫廢柴,最難接受係呢樣。

放大圖片

人生低潮,發憤研究 New Age學說,張繼聰去年突然一身藍袍走天涯,又改微博代號自稱來自未來。

放大圖片

五歲就開始拍廣告,做歌手前是演藝學院畢業的舞台劇演員:「我曾經最唔忿氣係無人關心我 喺音樂同演藝上嘅修為。」

終生修行

照張繼聰的說法,每個人來到世上都是玩一場預先選定場景和對手的遊戲,對手都是生生世世的家人和愛侶,有一天,死到臨頭、 game over, soul family個個都會張開懷抱歡迎你回家……聽到記者一頭霧水:「你可以唔信我講嘅嘢,好多人都叫我證明我講嘅嘢……我係證明唔到佢係真,但你哋都一樣證明唔到係假。我哋由細到大接受嘅教育係,見唔到摸唔到嘅嘢一概唔真實,其實我哋嘅大腦密封唔透光,所有影像都係靠佢分析傳送。你以為你真係見到咩?係你覺得你見到之嘛!你以為人哋真係害緊你、寫衰你咩?係你自己認定人哋會害你之嘛。所以家我睇唔到雜誌啦, I don't care!張繼聰三個字對我嚟講乜都唔係,我唔係張繼聰,我就係我!」睇得咁化,那為甚麼又要在世界上最現實的行業出碟拍劇搵食呢?

張繼聰又說到主旨宣揚大愛的新碟:「唔係為名利、唔係為賺大錢,我係想通過我嘅職業去啟發人類思考,分享我嘅想法。」

眾人皆醉

長篇大論兩粒鐘,張繼聰也承認自己癲。我問他,老婆看似正常人一個,能接受他的這套言論幾成?

張繼聰答:「咁多年佢都仲頂得順我講呢啲、冇同我離婚,即係佢認同我、接受我講嘅嘢囉……」五歲半的兒子張瞻呢?「我冇同佢講得咁深,但係唔多唔少都感染到佢做人就係要自在。前排幼稚園老師打畀我老婆,話嗰日上堂話題係問小朋友大個想做乜嘢,個個都話律師醫生,係我個仔話想做自己……為人父母,應該係陪住小朋友經歷,等佢成為佢最好嘅版本,而唔係你心裏面佢應該形成嘅版本。」

難怪報道說身邊的朋友一個二個被張繼聰導入外星邪教,兩個小時下來,記者也覺得有點迷。

不過,話說回來,張繼聰再三澄清, SRT不是宗教,亦絕非導人迷信,套一句麥玲玲同司徒法正最愛的名句,信不信由你。

放大圖片

兒子張瞻現時五歲半:「學習係件開心事,做人冇理由為 咗考試去學習,所以我送佢去讀國際學校。」

放大圖片

與謝安琪 05年同年出道,迅速相戀、同居然後奉子成婚, 07年 6月誕下兒子張瞻,張繼聰說一家三口的緣分一早註定。



Related Posts Plugin for WordPress, Blogger...