搜尋此網誌

2012年11月14日星期三

[FACE] 溝女王 《烽火》鹹濕仔 洪永城 偷食 俾女撇

雖然洪永城成日扮單身,但記者亦在 Emily的 facebook中發現唔少佢同洪永城 嘅拍拖照。據知 Emily港大畢業,學歷比洪永城好,上年二人仲齊齊去咗北海道旅行。


真面目

溝女王 《烽火》鹹濕仔 洪永城偷食俾女撇

2012年11月14日

自餘詠珊由有線電視跳槽無綫,出任無綫非戲劇科製作總監後,一眾曾經 喺有線跟過佢搵食 嘅舊部亦相繼跟隊,黃翠如拍劇做女一、陸浩明又開始 喺 J2紮根,但要數最得寵的,係由 now過檔、專門主持旅遊節目的洪永城。洪永城一入無 綫即安排主持台慶黃金時段旅遊節目《走過烽火大地》,年底更會拍劇做主角。

幕前洪永城係旅遊王子,但背後原來係溝女王。據知,洪原本跟任職金融界嘅圈外女友拍拖多年,最近卻因多次被揭發背住女友溝女而致分手收場,洪的密友更形容佢對外形唔差嘅女性都會即刻起痰,名副其實鹹濕仔。

30歲洪永城( Tony)有線出道, 08年轉投 now,今年因餘詠珊關係轉投無 綫,即被安排拍攝台慶重頭節旅遊目《走過烽火大地》,得寵程度可見一斑。據知 12月底洪永城更會同陳茵媺、林夏薇拍攝新劇《單戀雙城》。

同裸女爆房

09年洪永城為 now到西班牙拍攝旅遊節目《一個地球》,介紹畢加索名作,洪永城應導演要求全裸上陣扮畢加索名畫造型,更同外籍 model肉搏。做旅遊節目都要全裸上陣,認真搏命。

扮單身溝女

做過 3間電視台都係旅遊主持,洪永城係正宗旅遊王子。雖然洪永城唔算特別靚仔,但憑陽光男孩外表,加上口齒伶俐又玩得,身邊一直不乏女性朋友。

Tony的身邊人透露,他最近同拍拖多年的女友 Emily分手,原因就係衰花心。「佢同 Emily拍 咗好耐拖,經常都會孖住出去夜蒲,佢哋都有一班共同嘅朋友。

不過 Tony份人就好鍾意撩女仔,身邊亦有好多異性,佢試過多次背住自己女友約會異性,仲同對方講自己冇女朋友,即使對方結咗婚,佢都會纏實對方,食得唔好嘥。」

放大圖片

Emily(右)身邊好友同洪永城相熟,所以拍拖期間經常一大班朋友一齊夜蒲,齋睇洪永城呢個伸脷樣就知佢玩得。

放大圖片

洪永城同 Emily拍拖 4年,上年暑假 Emily仲上載同洪永城去沙灘玩嘅煙韌相上 facebook,可惜今年就因男友花心而分手。

提 黃婉曼興奮

放大圖片

11年拍攝 now《食勻全中國》又全裸上陣,介紹洛陽 嘅浴堂。

因為衰溝女,洪永城女友 Emily於是主動提分手。事實上洪永城亦不是第一次衰花心激嬲女友。

今年初,他與「 32F」 黃婉曼因為主持 now節目《撳錢》而傳撻著, Emily亦曾大興問罪,不過最後亦被口甜舌滑的洪永城氹掂冇事。之不過洪永城夜蒲時,曾與新相識嘅女性朋友打開話題,亦會提起 黃婉曼,「佢提起 黃婉曼就好開心,當時佢同 黃傳緊緋聞,佢就話對方冇男友囉。而當時佢同女朋友即使一齊出去蒲都各有各玩,開始冇乜交流,都估佢哋唔拍得幾耐。」

本刊曾致電洪永城,但洪因身在英國工作,至截稿前仍未聯絡得上。

雖然洪永城成日扮單身,但記者亦在 Emily的 facebook中發現唔少佢同洪永城 嘅拍拖照。據知 Emily港大畢業,學歷比洪永城好,上年二人仲齊齊去咗北海道旅行。

黃婉曼:唔會吼佢囉!

洪永城雖有固定女友,但對身邊女性都超嗒糖。據知做有線期間就對黃翠如有興趣,而 喺 now做主持時,亦傳過佢力追 F cup黃婉曼。

《撳錢》撻著

洪永城 喺 now期間同黃婉曼經常主持《撳錢》,有傳洪永城力追,不過黃婉曼當時就爆洪永城有固定女友。記者週一致電 黃婉曼,提起緋聞,她就說:「我當佢細佬嚟㗎咋,唔會吼佢囉,不過佢都冇追我。」

傳聞洪永城自 05年認識黃翠如後便想力溝,可惜女方唔過電,最近二人都加入無 綫,更一齊到英國拍攝旅遊節目,黃翠如更上載二人合照,但就寫住「兄弟」,週一 黃翠如表示:「我當佢好兄弟,我知佢啱啱散咗,但理由你問番佢啦!」

放大圖片

我當佢好兄弟。(真實對白)

主持變男一

TVB花旦小生買少見少,加上有餘詠珊提攜,洪永城於今年年尾會正式由主持跳到拍劇,零拍劇經驗竟升呢做男主角。

雖然洪永城成日扮單身,但記者亦在 Emily的 facebook中發現唔少佢同洪永城 嘅拍拖照。據知 Emily港大畢業,學歷比洪永城好,上年二人仲齊齊去咗北海道旅行。

收視高過《男主角》

洪永城一加盟無 綫即被派去拍攝《走過烽火大地》,仲喺台慶月檔期播,有餘詠珊(小圖)撐住係唔同 啲。首週平均收 24,最高更有 27,仲高過《最佳男主角》 2點添。

放大圖片

網上圖片

洪永城拍完新旅遊節目後, 12月底將會拍攝劇集《單戀雙城》,劇中有陳茵媺同林夏薇,他處女拍劇竟空降做男一。

家道中落

洪永城於家中排第二,屋企曾經富貴過,住過羅便臣道,亦有 Benz出入,洪亦被家人送到新西蘭留學。不過家境突然喺 02年變差,洪永城回港工作。 09年成 27歲,才透過 HKU SPACE完成澳洲 Curtin University嘅學位課程,更 喺灣仔君悅酒店行畢業禮,媽媽、兄長及女友都有撐場支持。



Related Posts Plugin for WordPress, Blogger...