FBI
陳豪淪陷 林峯甩身
2012年11月14日一年一度，又係台慶曬冷三部曲嘅十一月。邊三部曲，咪就係節目巡禮、台慶夜同萬千星輝頒獎典禮囉。
上星期四（ 8日），首部曲上演之夜， FBI第一時間入去電視城趁墟，係就係同年年一樣人頭湧湧囉，不過 啲卡士差咁遠 嘅？陳法拉、胡杏兒、吳卓羲飛 咗去英國拍《衝上雲霄 2》外景；鄭嘉穎人在強國拍電視劇《葉問》；雖然有林峯 chok住撐場，睇完節目巡禮又話要趕住去拍微電影，結果成個停車場咪剩番陳豪、馬國明同楊怡小貓三四隻俾全場廣告客戶圍囉。
係人都知節目巡禮唔係拍畀觀眾睇，係拍畀班廣告客戶拉廣告㗎嘛，所以年年到 咗呢晚，花旦小生都要變身男女公關招呼人客。人丁單薄， FBI睇住陳豪同馬明慘被大批女性客戶包圍，寸步難移、笑容僵硬，足足成個鐘原地踏步呀！
人 哋有求必應笑容又畀足，好心班貴客就知足 啲啦，仲 喺度大聲呼叫：「哎吔，林峯去 咗邊呀？影唔到林峯呀！」 𠵱家陳豪好差咩？
2013必煲劇
《好心作怪》女版劉松仁
奇情懸疑時裝劇，周麗淇接棒做女版劉松仁，咀完黃宗澤再咀苗僑偉，肉緊過小醜鼻楊怡。
《巾幗梟雄 3》杏兒芳子
胡杏兒取代鄧萃雯，話就話全新角色同故事，但係睇見杏兒扮緊梅姐個川島芳子 look，就真係唔多開胃喇！
《情逆三世緣》加埋 100歲
息影三年的關詠荷復出夥拍老拍檔歐陽震華，不過 48歲荷姐加埋 52歲 Bobby剛好 100歲，會唔會老 咗 啲？
《傳愛事務所》談情官司
力邀《男親女愛》監製徐正康回巢創作，陳豪、陳法拉同黎耀祥 喺法庭打打官司談談情。
