真面目
提防小三 禁女埋身 馬德鐘老婆盯實佘詩曼
2012年11月14日姣「佘」遇上脂粉「鐘」。次次合作緋聞走唔甩， 06年一套《鳳凰四重奏》仲搞到馬太張筱蘭帶仔出走法國，差 啲搞散頭家。咪以為佘詩曼北上發展、馬德鐘繼橫店狼玩陳嘉桓後，修心養性，兩位就無機會再碰頭。
上週六（ 10日），無 綫金牌監製潘嘉德 61歲大壽，令呢對緋聞久別重逢。以馬神厚過電話簿嘅緋聞歷史，馬太當晚帶埋阿仔殺上生日會監場盯實姣佘，睇少眼都唔得！
人仔價更高，又有魔童王維基銀彈撬人開劇，呢兩年搞到無 綫台前幕後掀起離巢潮。上週六（ 10日），潘嘉德賀牛一 喺南華會搞燒烤 P，服務無 綫 38年又係金牌監製德高望重，新寵舊將小生花旦齊齊到賀，搞到南華會頂樓酒吧十足 TVB舊生聚會。
姊妹伶仃
據悉，馬德鐘群埋高層監製堆，佘詩曼就全晚留守幕後同二打六圈子，身邊唯一叫得出名嘅，得佢好姊妹周家怡。
笠帽遮醜
見到記者拍照，素顏尷尬傻笑嘅阿佘 嗱 嗱聲笠上冷帽，跳上的士。
佘馬一窩
離巢一年，佘詩曼連拍兩部內地劇《建元風雲》和《嫁入豪門》後，即宣布放自己一個悠長假期，足足兩個多月留港休養約朋友聚會，順理成章出席德哥派對。
至於一樣主力北上發展的馬德鐘，亦難得在港，據場內人士透露，緋聞男女久別重逢，竟然全晚 3個多鐘零交流。「其實個頂樓酒吧唔係好大，要見就梗係見到啦！不過馬德鐘帶埋老婆同阿仔 嚟，成晚黐住 啲監製高層同有家室嘅同事，阿佘就坐埋好姊妹周家怡，再加幾個二打六 嗰邊自己燒。兩個好似夾埋一樣唔多離座，咁就成功避開見面打招呼，唔使咁尷尬囉！」
咀出火
04年傳過緋聞， 06年馬神同阿佘合拍《鳳凰四重奏》，一人分飾四角又攬又咀談足四段情，有傳聞指 2人戲假情真更不時徹夜狂歡，搞到馬神婚姻現危機。
無癮獨歸
其實結婚 19年，馬神正印張筱蘭本來絕非跟得夫人，直至 06年婚姻亮紅燈再復合後，才突然恩愛出雙入對。
去年馬神北上發展，與陳浩民鬧出調戲陳嘉桓醜聞， 2人「恩愛」程度再度升級，無論拍劇探班定商業活動，一概見到馬太身影。
有太座全程人盯人，據悉，阿佘成晚無得同「老相識」聚舊，與其他同事互動亦顯得毫不熱心，成晚黐住好姊妹周家怡自「燒」其樂醫飽肚後，便早馬神一步孤單打的返歸。舊愛又好、老死都好，一個二個結曬婚做埋爸媽， 37歲阿佘幾時先至唔使一個人返歸呢？
馬太勝利笑容
阿佘走後約半粒鐘，派對散 band，馬德鐘一家三口才離場，盯人政策成功嘅馬太，登上保母車時露出滿意笑容。
個個離場時都好清醒，唯獨香香要宋熙年傍住行，仲面紅紅添。
香香處女醉酒
德哥生日，台前幕後齊慶賀。除 咗阿佘、馬神、高層梁家樹、芭姐伉儷外，仲有好多上位藝人出席。記者發現玩到散 band， 12點幾才盡興嘅岑麗香，離開時面紅紅行路又唔多穩陣，十足飲醉酒一樣。不過疑似係無綫 4大處女之一嘅香香公主搵咗宋熙年扶住行，仲結伴打的回家，咁就穩陣啦。
大隻謙讓位
唔只今年，潘嘉德其實年年生日都鍾意熱鬧，場地年年都係南華會頂樓，仲年年都係燒 嘢食添。雖然年年到賀嘅花旦小生個個都係潘嘉德愛將，不過論最得德哥歡心、次次最埋身陪足全場嘅，就絕非大隻謙羅仲謙莫屬。
今年謙謙飛 咗去英國拍攝《衝上雲霄 2》外景，「寵幸」寶座即時有人頂上。據悉，當晚德哥酒來飲盛飯來張口，全晚有人去到邊陪到邊，腸仔雞翼專人燒好送到嘴邊，接棒謙謙 嘅，咪就係做過醫生、 09年參選港男、同樣有副好胸肌嘅 31歲郭田葰，一樣有份拍德哥監製捧紅謙謙 嘅《 On call 36小時》。
玩到完場
做過醫生嘅郭田葰相當識做，全晚服侍德哥週到，仲玩到最後先走。
