真面目
好胃口 操肥 10磅 雜食森美重口味
2012年11月14日同方力申拍愛情片拍到厭的 Stephy，在新戲《等我愛你》與黃宗澤做鬥氣寃家，雖然劇情一定離唔開三幅被，起碼配搭夠新鮮。
靚仔靚女主力談情冇突破，反而配角森美夠曬搶。
為部戲增肥 10磅的森美，戲中飾演鹹濕大隻仔，專嗒「雙非」，唔係起雙飛玩 3P，而係要同非洲同菲律賓人肉搏！咁鬼重口味， Bosco都唔夠你爭啦！
幾乎套套戲負責搞笑的森美，在今個月 22日上畫的《等我愛你》中，繼續醜化自己唧人笑。飾演 Bosco好友的森美，冇份同型男爭女，只獲導演分配一堆比魯芬更重口味的「雙非」女神。
冧賓賓
對住菲律賓裔中女，淫樣森美冧到瞇曬眼，右手仲貼到對方個身實一實，相當肉緊！有禮物收，森美仲風騷到撩人塊面珠添！
「雙非」殺手
劇情講森美極度麻甩，臨 瞓要玩吹氣公仔，平時又口花花撩女仔，更專揀皮膚黝黑的非洲及菲律賓女出手，唔黑唔食。
其中一場講森美同一名非洲黑妹跳上梳化埋牙肉搏，除了要騎上對方身上，又剝剩條孖煙囪騷肌。「我為 咗扮麻甩佬，專登增肥 10磅，你知啦，瘦蜢蜢唔夠猥瑣嘛！同埋我試過星期日去中環搵 啲菲傭傾偈，不過原來佢哋好多都唔識英文，不斷同我講菲律賓話，搞到雞同鴨講溝通唔到，淨係識拉住我影相！」
哨牙女神
做情聖威過 Bosco，原來森美同導演火火一早已在「森美小儀歌劇團」合作，相識超過 8年，打曬人情牌先執到支好籤，「導演安排 啲唔靚 嘅雙非人畀我，擺明益我啦！我同佢合作 咗 8年，知佢想要咩效果；除 咗雙非，另一個更惡頂、戲入面係我女神 嘅 Sita（陳僖儀），成日戴住副假牙就甩咁款，仲要我餵佢食燒賣，一路食副假牙又一路跌，幾樣衰呀！」
有賓賓陪玩，又有件豬扒做夢中情人，森美嫂肯定定過抬油唔驚老公出軌喎！
攬 Mary
妹妹仔鍾意攬毛公仔，但麻甩森美就鍾意吹氣公仔陪瞓，連隔籬 Bosco都搞到流曬鼻血！咁激，瞓唔瞓得著㗎？
玩車震
森美同 Bosco夾份搞雪糕車仔檔，不過森美掛住同賓賓啜嘴，仲搞喊想買雪糕嘅細路，畫面爆笑！
Bosco同表妹 Stephy日久生情，但 Bosco覺得自己草根冇前途，唔敢追 Stephy，成套戲去到尾先肯講「我愛你」三個字，娘啲喎！
肥仔轉肌
已經 38歲嘅森美，高峰期達 180磅，初入行時塊面圓過叮噹，一身肥肉見到都飽！自從 07年做了纖體公司代言人，森美就 keep住 fit爆身形，冇再翻脹。「我平日會踩單車、打泰拳同長跑，運動後會食 energy bar或者營養奶粉。本身肌肉太少 嘅人，減肥前要先做重量運動增強肌肉，肌肉比例較脂肪多會增加運動能力，新陳代謝亦會加速，修身成效自然明顯啦！」
