林峯辣招質飽徐子珊

Happy New Year！2012年已成過去，失落視帝視後的林峯與徐子珊，工作仍然長做長有，除夕夜更分道揚鑣出外搵銀，故日前相約舉行除夕派對狂歡。兩人反傳統棄吃西餐，反而以咖喱等香辣美食代替，驅走寒流，期間阿峯笑子珊太瘦，不停餵女方進食，務求質飽子珊！

林峯與徐子珊雖然未有於無綫頒獎禮成大贏家，但這對「哎吔兄妹」的事業線仍然旺盛，商演活動更長做長有，可謂賺到盆滿缽滿。曾揚言欲再置業的他們，目標自然又邁進一大步。鑑於除夕夜阿峯與子珊分別於廣州與澳門有倒數活動，在搵錢至上的大前提下，兩人特別相約提早慶祝除夕。面對寒流襲港，鬼主意多多的兩人以印度咖喱、新加坡叻沙等熱辣辣菜式取代傳統西餐，認真有心思！

子珊與林峯一齊玩鬥雞眼，Chok樣程度不相伯仲。

大唔透玩鬥雞眼

不過兩個大細路甫一聚頭即玩個不停，眼見子珊玩鬥雞眼，貪玩的阿峯亦有樣學樣。未幾阿峯整蠱子珊，不斷餵她進食，更謂：「阿妹，你瘦呀！食多啲啦！」子珊起初也有服從，但後來見勢色不對，即不斷夾餸給阿峯還擊，場面非常惹笑。

子珊已習慣公眾假期要工作，搵錢最重要。



露出一副得戚樣的林峯不停餵子珊進食，場面搞笑。



林峯與子珊雖然失落視帝視後，但人氣有增無減。

剛拍完內地劇的阿峯透露未能休息享受假期，他謂：「嚟緊月尾就係演唱會，之前一直開緊工排唔到，依家終於可以全程投入，因為時間都幾緊迫，所以應該都要地獄式訓練。同埋之前演唱會玩過水同火，所以今次會有新嘢畀大家，但要賣個關子先。」

七演警察驚睇厭

同樣冇得抖的子珊拍完賀歲片後，小休片刻又要為新劇《神槍狙擊2013》開工。她笑言已經第7次演警察角色：「唔知點解咁鍾意搵我做呢啲角色，不過唔緊要，為免觀眾睇到厭，我會搵啲新元素畀大家嘅。（除夕點慶祝？）冇啦！其實都慣咗假期工作，我都好享受嘅，正日冇得玩，咪之後再約朋友慶祝囉！到時仲冇咁多人添，哈哈！」

.林峯辣招質飽徐子珊
http://veryy8.blogspot.com/2013/01/blog-post_2223.html