搜尋此網誌

2013年1月5日星期六

G.E.M.被罵牽出陳年舊聞 甄妮鬧陳奕迅目中無人

G.E.M.被罵牽出陳年舊聞 甄妮鬧陳奕迅目中無人


G.E.M.被罵牽出陳年舊聞 甄妮鬧陳奕迅目中無人

甄妮同G.E.M.嘅隔空過招,呢兩日都消耗網民大量花生。但原來早於G.E.M.俾甄妮鬧目中無人冇家教之前———應該係早12年之前(爭一個月就13年),陳奕迅(Eason)都俾甄妮鬧過目中無人。

事緣當年甄妮與張栢芝、陳曉東及Eason三個樂壇後輩坐埋同一班機,三個「小朋友」喺機艙內喧嘩,甄妮苦勸無效,即喝令佢哋咪嘈,事後又指Eason目中無人。甄妮當時話:「長輩同佢講嘢,佢都唔正眼睇住,講極都唔聽,望都唔望你,咁仲唔係目中無人!」

Eason當時就解釋:「可能嗰日啱啱瞓醒覺,心情輕鬆啲,講嘢大聲咗。我有望佢o架,其實無論前輩或者其他人,講嘢有道理嘅都會聽,我都會檢討嚇!」之後甄妮同Eason仲冤家路窄,喺港台相遇。Eason好唔自然,仲俾甄妮單打。甄妮話:「我睇報紙,話你冇腳嚟我演唱會,等我睇嚇。哦!有嘅。」令Eason大為尷尬,走嗰陣即刻記得有禮貌地大聲謂:「前輩,我走先喇!」嗱,呢啲咪醒囉,G.E.M.要向Eason學習嚇喇。



00年2月嘅報道﹕甄妮鬧陳奕迅目中無人。

G.E.M.被罵牽出陳年舊聞 甄妮鬧陳奕迅目中無人

成件事嘅緣起——咁巧合,又係機艙事件,又關栢芝事。



.G.E.M.被罵牽出陳年舊聞 甄妮鬧陳奕迅目中無人
http://veryy8.blogspot.com/2013/01/gem_3325.html
Related Posts Plugin for WordPress, Blogger...