搜尋此網誌

2013年2月28日星期四

[壹週刊]精雕細琢 七分鐘戲拍十日 黃聖依當甄子丹做王家衞




探熱針

精雕細琢 七分鐘戲拍十日 黃聖依當甄子丹做王家衞

2013年02月28日

甄子丹為 孭飛兼做動作導演的《 3D冰封俠》,拍完中環萬聖狂歡,再殺入青馬大橋拍飛車日夜趕戲,開工幾個月未拍到一半,宇宙更自爆有場七分鐘戲拍足十日,戲中做他女友的黃聖依,幻想自己拍緊王家衞電影。

甄子丹要求高,導演羅永昌要求多。預算殺青日期有遲冇早,甄子丹依然堅持慢工出細貨,拍完香港再戰北京。要配合宇宙最高要求,黃聖依唯有繼續癡等。

三秒即喊

放大圖片

拍打爆木枱一幕,甄子丹最後決定用膠代木,結果一 take過搞掂,出來效果更有氣勢。

在《冰封俠》打到飛起之餘,今次甄子丹還要談情說愛,跟扮演辣妹的黃聖依做情侶。日前二人在室內拍攝一場甄子丹爆木 枱場面,身兼動作導演的他,既要指揮度招擺位,將木 枱搬來搬去,又要培養情緒鬧走黃聖依。

甄子丹忙到一頭煙,導演羅永昌頂上,先同黃聖依先試感情戲,要她在最短時間內流出眼淚,在內地拍過不少大製作的黃聖依,亦有備而來。

羅永昌一叫開始,唔夠三秒,黃聖依已眼有淚光,之後兩行淚湧出,直至導演叫 OK先停。一次唔夠,試完一次又一次,三次終於收貨。場內工作人員讚好,甄子丹亦忍唔住叫「厲害」。

放大圖片

3秒內流眼淚

放大圖片



Take 2,又掂。

超硬支

有指甄子丹為一場七分鐘打戲,前後拍了十日。

「我要求好高,導演亦好多要求,所以 嗰場戲拍 咗好耐。」宇宙最強直認。

要同宇宙最好打擦出火花,黃聖依不單喊得快,耐力亦相當。「套戲開 咗幾個月,都唔係拍 咗好多,北京戲份仲未開始,唔知幾時拍完,有時我以為自己拍緊王家衞 嘅戲。」

雖有內地收十二億喜劇《泰囧》男主角王寶強助陣,但甄子丹對這部聲稱耗資以億計的投資絕對不敢掉以輕心。早前在青馬大橋危坐巴士以及在中環酒吧通頂狂歡的戲份,還要重新搭景補拍;拍完再拍,本來預算億幾的製作費,隨時超支埋單。

放大圖片

由明朝穿越時空來到香港,甄子丹古裝扮相行銅鑼灣,結果惹來愈來愈多遊客及行人圍觀。

放大圖片

早前氣溫驟降,晨早在公園食住西北風拍感情戲,二人都要食杯麵取暖。

放大圖片
放大圖片

拍萬聖節狂歡戲,莊思敏、石詠莉等同黃聖依幾乎在街企足一晚,唔使埋位的黃聖好識爭取休息時間,隨時匿埋一邊瞓覺。

放大圖片

王寶強在戲中要穿越時空追捕甄子丹,二人打出火花。

放大圖片

陳浩民有份客串演出,老婆蔣麗莎帶女探班,更即場示範沖奶。

放大圖片

好片重溫

《 3D冰封俠》打正旗號重拍二十四年前元彪主演的經典電影《急凍奇俠》,不過內容就大為改動,甄子丹飾演的明朝大將軍,因犯事穿梭時空來到現代,明朝皇帝派王寶強帶兵追捕到香港;在現代時空甄子丹又重遇黃聖依,二人發展一段刻骨銘心愛情。



.[壹週刊]精雕細琢 七分鐘戲拍十日 黃聖依當甄子丹做王家衞
http://veryy8.blogspot.com/2013/02/blog-post_1377.html
Related Posts Plugin for WordPress, Blogger...