郭富城默哀熊黛林

FBI

郭富城默哀熊黛林

上星期爆出嘅「苟熊」攻「城」戰，講到似層層咁，熊黛林仲發表埋單身宣言，宣布同郭富城嘅 7年情畫上句號，上週四（ 18日）出活動交代「分」訊，仲死都唔肯講苟芸慧個大名，只係狠狠拋咗句︰「我唔識嗰個人！」好重火藥味。

而前一晚，城城出席《同謀》慶功宴，同寰宇老闆林小明、經理人小美同枱食飯。話曬 7年感情咁就拜拜咗，唔理城城係咪變心，點都唔會咁快忘記舊愛啩？所以城城成晚都心事重重咁款，𠌥低頭沉思又冇咩胃口，而坐喺隔籬、一向唔鍾意熊黛林嘅小美就笑到四萬咁口，真係有人歡笑，有人愁。最愁，應該係傳聞中嘅小三苟姑娘， FBI聽聞佢都好無辜，分手最大原因，原來只係 Lynn不時向城城迫婚，但根本從來冇結婚打算嘅城城又點肯就範？最終咪「婚」變「分」囉！上週六（ 20日），城城上北京出席活動時，首次開口回應：「喜歡對方不一定白頭到老。」其間一直笑曬口，「甩熊」一身輕！

FBI問城城有冇挽救呢段感情？ Lynn即刻標眼淚話︰「我唔回應喇！」

雖然失戀，但上週六城城到北京出席活動時，心情明顯大靚。

「富黛戀」告終，唔只引起兩派粉絲罵戰，更禍及城城經理人小美，週日小美於微博反擊，話真正城迷係有修養，仲話：「有什麼樣式的藝人就有什麼樣式們粉絲」，擺明鬧熊黛林係壞榜樣。

撰文、攝影： FBI

電話報料： 9106 2799

電郵報料： mailto:facenews@nextmedia.com

. 郭富城默哀熊黛林
http://hittt.blogspot.com/2013/04/blog-post_3398.html