最低工資 陳綺雯

Beauty Hunt

最低工資　陳綺雯

亞視姐仔人工出名低，但如果連出去搵登台騷賺吓外快都唔畀，則近乎斷人糧草，點都講唔通！

剛剛轉會 HKTV、前亞視被炒員工陳綺雯（ Aki），喺亞視撈足兩年知名度近乎零，每月得幾千蚊底薪已經夠慘，最弊連自己接登台騷都要被警告。

家陣轉會新公司，陳綺雯話：

「起碼畀完 2/3糧屋企，自己仲夠用。」

Profile

年齡： 23歲

姓名：陳綺雯 Aki

身高： 168cm

偶象：楊丞琳

以無故缺席「演藝訓練計劃」為理由，陳綺雯（左二）連同其餘 3位同事戚黛黛（右）、張啟樂（右二）和張紫櫻（左）齊齊捱炒，好在陳綺雯極速成功過檔 HKTV，真係塞翁失馬！《蘋果日報》圖片

之前在亞視因缺席所謂演藝訓練課程而被炒， 23歲的陳綺雯於今年 1月轉簽王維基的 HKTV，雖然一樣收底薪，不過陳綺雯話收入已經有改善：「之前喺亞視，我自己接咗個登台騷，但係亞視竟然唔畀，話一切工作都要經佢哋接喎！之後又要我每日返去上堂，淨係搭車食飯都冇曬啲錢啦。我話咁不如搞清楚究竟點先可以接 job再上堂啦，點知咁就炒咗我！」

畀家用有錢剩

𡃁模出身的陳綺雯，做過 Rainbow師妹，她慶幸自己唔使剝。

「我嗰時講明唔會着三點式出寫真，我覺得靠剝條路唔會長久，𠵱家簽咗 HKTV，雖然底薪只係多少少，但係可以自由返內地接騷做，收入高過之前亞視成倍！做電視台都係靠騷錢啫，我屋企唔係有錢，都要畀錢屋企人，不過𠵱家我每月份糧 2/3畀咗屋企，其餘都仲夠自己用。我覺得做呢行要慢慢浸，希望 keep住有機會演出就 ok！」

轉會 HKTV後，陳綺雯（黃圈）話成間公司好齊心，最緊要係可以俾佢自由接 job，收入高過亞視時代一倍。《蘋果日報》圖片

陳綺雯（左）出道時做過 Rainbow和 Lavina（右）師妹，但她自言接受唔到着三點式行性感，故做了一年𡃁模便簽入亞視。

撰文、攝影：娛樂組

攝影：範仲良

形象： Bryan@ The Flaming

. 最低工資　陳綺雯
http://hittt.blogspot.com/2013/04/blog-post_2685.html