搜尋此網誌

2013年4月24日星期三

電視撈飯:《金枝貳》七國咁亂捱轟

video


電視撈飯:《金枝貳》七國咁亂捱轟

《金枝貳》角色多 網民睇到頭都暈

無綫喺04年首播劇集《金枝慾孽》,迷倒唔少電視觀眾,等咗9年,《金枝慾孽貳》前晚終於首播,不過一開波就有十幾個新角色出籠,啲名又長又難記,當中只得如妃鄧萃雯喺上一輯出現過,睇到觀眾暈陀陀!套劇一嚟就有著住西裝嘅溥儀同個已經剪咗辮嘅太監講一大輪,同成百年前嘅如妃有咩關係呢?呢啲都係監製戚其義同編審周旭明慣性玩嘢手法,觀眾既然有耐性睇《神探高倫布》,再畀多少少耐性睇埋落去啦!

除咗耐性仲要加啲記性,因為鄧萃雯、伍詠薇、蔡少芬、簡慕華同埋陳豪等十個八個角色一齊出,啲人名同關係喺螢幕閃過,認真睇都未必搞得清關係同劇情,難怪好多網民、擁躉都話冇上一輯咁好睇,有網民笑罵戚其義臨走大整蠱,用冗長嘅對白挑戰觀眾嘅記憶力、聽力同理解力。其實都係第一集啫,戚其義、周旭明嘅神劇《天與地》都係越睇越好睇啦!



■《金枝慾孽貳》首集就有一大剷角色同劇情交代,睇到班師奶觀眾頭暈! 設計圖片及對白

開房癲番晚

講到角色太多令觀眾混亂,惇太妃伍詠薇噚日喺電話度話:「任何劇嘅第一集都需要鋪排嚇啲支線同交代人物,大家畀啲時間同耐性啦,一星期後就知故事發展,而且今集話到明係造謠生事,造謠一定係對白啦。」另外,前晚伍姑娘約埋戚其義、陳豪、苟芸慧等人喺佐敦一間酒店食飯睇首播,之後全女班留喺酒店開房過夜,癲咗一晚。

版主:陳基征



■《金枝慾孽貳》班演員約埋睇首播,好齊心喎!







.電視撈飯:《金枝貳》七國咁亂捱轟
http://hittt.blogspot.com/2013/04/blog-post_24.html
Related Posts Plugin for WordPress, Blogger...