搜尋此網誌

2013年2月8日星期五

[忽然1周]恒生新抱辦年貨 何倍倩掃花膠補胎

何倍倩落手落腳買海味,除了 9頭日本網鮑,她主攻 12頭 鰵膠。「我買海味要自己揀,手感同香味好緊要。」


上流滙

恒生新抱辦年貨 何倍倩掃花膠補胎

2013年02月08日

臨近新年,個個忙於辦年貨,購買海味亦成為重要一環。恒生新抱何倍倩( Anina),每年都會親手揀海味送禮。懷有 5個月龍鳳胎的她,今年亦親自到樓上舖掃花膠,日日燉花膠湯養胎,務求長胎唔長肉。「花膠含有豐富膠原蛋白,可以促進 BB生長。依家我朝朝都飲花膠湯,個肚 5個月已經有我佗第一胎嘅 7個月 size。」

恒生新抱何倍倩( Anina)懷有龍鳳蛇 B,對飲食特別有要求,除了要食得均衡,還每日燉滋補靚湯。「有 咗 BB之後,飲食更加要均衡,我每餐都有魚、肉同高鈣低脂 嘅芝士,湯水當然要日日都飲。」

放大圖片

「恒生新抱」何倍倩與丈夫何乃斌結婚 7年,育有一名 3歲兒子,今年再懷龍鳳胎。經營美容生意的她,近年出入 ball場而為人熟悉。

放大圖片

現時懷孕 5個月的何倍倩,個肚其實籮咁大,不過她依然身穿鬆身靚衫遮肚和著高踭鞋出席活動。

日飲花膠湯

放大圖片

太子爺招呼

何倍倩買海味當日,店舖太子爺蕭先生親自招呼她,還向她介紹頂級日本網鮑。「佢 哋做開批發生意,不過都有唔少客人自己上 嚟買,記住帶定現金。」

何倍倩的滋補湯水之中,材料離不開花膠,皆因其含有豐富蛋白質、骨膠原,幫助胎兒迅速發育。「懷孕中、晚期係 BB迅速生長同發育階段,吸收足夠蛋白質、鈣質好重要,要用高蛋白質、低脂肪 嘅食材,所以我每朝都會飲花膠湯。」身形纖瘦的何倍倩,為了胎兒健康,索性連湯渣都食埋。不過她只長胎唔長肉,手腳依然纖瘦,只有 120多磅。「以前飲湯我唔食渣,依家就全部食曬,因為要吸收更多營養。依家個肚真係大得幾快, 5個月已經有我佗第一胎嘅 7個月 size,個肚接近 33吋。」

上樓搵靚料

海味價格日升,靚花膠試過被強國人炒至十萬一斤,想搵靚料並非易事。何倍倩為求覓得第一手靚花膠、鮑魚,更到位於上環的樓上舖入貨。採訪當日,她由店舖太子爺蕭先生親自招呼,可見貴客地位。「因朋友介紹,我會上 嚟買海味。佢 哋主要經營批發,數量好多,容易揀到靚料,又唔使同人逼。」

當日所見,她對 12頭的 鰵膠愛不釋手,主攻厚身的花膠公。「公同 乸嘅食法唔同,前者較滑有彈性,口感好好,可以用 嚟做 餸菜,後者較黏性就 啱煲湯。揀花膠好似揀雞蛋咁,燈光底下睇要夠通透,無瘀血同臭味。」一副花膠專家口吻。

放大圖片

鮑魚揀雙邊

鮑魚以一斤有多少隻為單位,要於這堆價值 1萬 3千蚊的 9頭頂級日本網鮑中搵好嘢,何倍倩就向大家教路,揀鮑魚要腰圓背厚為佳,雙珠邊比單邊彈牙。鮑魚亦有「新水」、「舊水」之分,存放兩年以上嘅稱為「舊水」,色澤較深,表面有白色鹽粉,味道較香濃。

放大圖片

花膠要通透

何倍倩稱揀花膠亦有秘訣,「花膠要夠厚身,色澤均勻呈金黃色,於燈光下呈半透明,並沒有瘀血為最佳。」她手中的 12頭 鰵膠,每斤要成 6千幾蚊。

進補貼士

放大圖片

何倍倩對湯水特別講究,懷胎 5個月的她,推介花膠燉湯。「材料以花膠、瘦肉、杞子、蜜棗、瑤柱、花菇、海底椰熬燉一晚。呢個湯可以用瘦肉代替雞,因為雞湯較燥,日日飲會上火。如果身體唔係咁舒服,我就會轉用蘋果、雪耳、瘦肉、蜜棗燉湯,呢個湯比較清潤,有健肺滋潤功效。」

何倍倩落手落腳買海味,除了 9頭日本網鮑,她主攻 12頭 鰵膠。「我買海味要自己揀,手感同香味好緊要。」

花膠攻略

放大圖片

花膠有公 乸之分,公厚身而兩側有明顯氣管,彈性高兼爽口,適合燉炆。 乸則厚度平均,軟綿黏口,彈性較低,適合煲湯。因此同款花膠中, 乸的價錢與公的相差一半。質素較好的花膠,以每斤數千元為入場價到數十萬元不等。貴價花膠更會以隻或對來計算,兩頭以上屬珍品。

放大圖片

蜘蛛膠

頂級蜘蛛膠較為罕有,愈炒愈貴,有指其對喉、肺等器官均具療效。不過索價驚人,重達十両的花膠王,每隻叫價數十萬。

放大圖片

鰵膠

鰵魚膠分為「金錢 鰵」、「金山 鰵」、「石 鰵」等。當中金錢 鰵屬瀕臨絕種的極品,有傳何鴻燊家族一直搜尋,此極罕花膠拍賣價可值約百萬。



.[忽然1周]恒生新抱辦年貨 何倍倩掃花膠補胎
http://veryy8.blogspot.com/2013/02/1-1_6186.html
Related Posts Plugin for WordPress, Blogger...