娛聞樂
出書自揭 22歲失身 梁奕倫：娛圈前輩用口幫我
前 DJ梁奕倫近日為網台 MajiTV主持節目《語無倫次》，話題圍繞「性」為主，尺度大膽。
有料唔好嘥，最近「性男」梁奕倫拍住商台前 DJ茜利妹出新書《 70後援會．逆生長多花樣》，繼續踩界。書中除分享兩人的成長經歷，還揭露圈中不少藝人鮮為人知一面。除了茜利妹揭黎明用人要夾時辰八字外，最爆嘅，則是梁奕倫自揭 94年有當紅圈中前輩為他口交。邊個？看來係時候動腦筋估人物了！
40歲前 DJ梁奕倫與茜利妹向來作風大膽，做 DJ多年，與圈中多位藝人稔熟，更熟知不少歌星藝人脾性，今次新書打正旗號「有嗰句，講嗰句」，大爆多位藝人的秘史，新書將於 5月推出。
容祖兒有義氣
07年，梁奕倫及其姊被指串謀詐騙港台撰稿及資料服務費。其律師要求他找藝人及同事為他寫求情信。他大讚容祖兒有義氣，身在內地仍火速為他送上求情信，反觀前港台男高層卻怕被牽涉其中而拒絕他。
與黎明共事要夾八字
前年，茜利妹原本有機會入職黎明打骰的 A Music，不過對方拿了她的出生日期與自己夾過後，卻音訊全無。事後有朋友告訴她黎明嫌她老，茜利妹坦言會將此事紀錄在案，他朝有日會告黎明年齡歧視。
周慧敏好心腸
另外，書中亦有提到玉女周慧敏。 93年仍未入行的茜利妹，在電影《我愛法拉利》中做服裝阿四。當日被騙做周慧敏替身，幸得對方好心提醒，茜利妹才知要拍飛車撞鐵欄亡命鏡頭，玉女敏果然人靚心地好。
前輩個個識
為穀新書，梁奕倫不惜重提 94年遭一位當紅圈中人撩口交。他對記者說：「我未入行前，已經好崇拜呢位前輩，嗰陣佢喺娛樂圈都做咗超過 10年，噏佢個名，我諗全港人都知邊個。有日佢叫我上佢屋企，我哋飲咗好多酒，佢忽然拉開我褲鏈，幫我用口解決，我嘅第一次就咁俾咗佢。」
談到破處，梁奕倫不怒反笑說：「我都唔知算唔算失身，我係被口交，又冇『進入』，我到依家都好疑惑。（但你嗰陣冇反抗？）咁嗰陣佢係我偶像，我好仰慕佢，而且仲飲咗啲酒有啲醉……（事後你哋仲有冇聯絡？）有聯絡，但當冇事發生囉！我都知大家唔會喺埋一齊，唔通搞完嘢就會當有嘢發生咩？」
書中侃侃而談「初夜」，不過梁奕倫就堅拒透露該藝人是誰。「真係唔開得名呀，成廿年前嘅事，唔好啦！（咁佢係歌手定演員？）一講個範圍就縮窄好多啦！只可以話佢咩都有做，係多媒體人，幕前幕後都有做。佢依家仲在生，唔想影響到佢。（咁佢結咗婚未？有冇伴侶？）我點知佢有冇老婆定二奶呀！總之我上佢屋企嗰陣冇人啦！」
黎明嫌老
梁奕倫出賣失身經過，敢作敢為的茜利妹，成長過程一樣夠傳奇。她試過同性戀， 14歲時更試過飲滴露自殺，幸好保住條命仔。
茜利妹在商台做了多年主持，前年黎明邀請過檔，中間卻發生了一段小插曲。她說：「嗰陣 A Music總經理 Nathan（阿喱）叫我俾個出生日期佢哋夾下，話係公司嘅習俗。其實唔止黎明，我知好多老闆都會咁做，咁我冇所謂啦，咪俾囉！點知之後冇曬回音，可能佢嫌我老啩，不過我好似細佢一年囉！」
攝影：攝影組
場地：又一城
. 出書自揭 22歲失身 梁奕倫：娛圈前輩用口幫我
http://hittt.blogspot.com/2013/04/22.html
