句句金

句句金

句句金

係人都知蔡少芬同老公張晉恩愛。日前張晉喺微博上載曬肌照，蔡少芬留言力撐：

讓男人憎恨，女人流口水。

係呀，媽咪姐條口水肩都流到濕曬！

向來搞笑嘅王祖藍乘機抽水，特意改圖上載一張大隻沖涼相，點知惹嚟蔡少芬狂插，

你會令男人想打，女人想嘔！

效果都唔係咁差啫。祖藍放心，至少媽咪姐同女友李亞男都唔會嘔嘅。

林峯舊愛潘霜霜近日喺微博大曬新男友，作為新歡嘅千語 BB會唔會效法影煙韌照呢？佢回答：

平時影風景，冇乜影人，風景仲有意思。

咁又係，望番林峯同潘霜霜啲牀照，媽咪姐都覺眼寃。

富黛戀玩完，城城早前開腔默認分手，指出「喜歡對方並不一定走到白頭到老」，更暗示：

有些事情不是表面上看到的那麼簡單，性格也很重要。

要用 7年時間先至發現同對方性格不合，城城你都幾後知後覺喎。

梁烈唯去北極跑馬拉松後，決意食素為環保出一分力，但被問到會否減少用避孕套時，佢尷尬表示：

我已經用得好少。

係有得用唔用，定冇得用而唔用先？點都好，唯唯要做個負責任嘅男人！

. 句句金
http://hittt.blogspot.com/2013/04/blog-post_3074.html