搜尋此網誌

2013年4月4日星期四

餘文樂吳雨霏香港拍拖斷正




餘文樂吳雨霏香港拍拖斷正

      

餘文樂同吳雨霏(Kary)呢一對,之前齊齊去倫敦外遊,多次畀網民影到斷正,返香港時又前後腳出機場,不過佢兩個都已經默認戀情,但噚晚撐枱腳食飯就第一次喺香港拍拖斷正,大批記者更聞風趕至狂影。

噚晚約9點幾,喺銅鑼灣開平道,餘文樂由一大廈落嚟,表示趕時間,初時唔肯影相,問佢女友Kary喺邊?樂仔指一指上面,又表示:「企定定畀你哋影,唔好再跟我。」之後向利園方向行去。

約4分鐘後,Kary亦從大廈離開,記者問佢企定定影相,佢話:「都係唔好,好似好揚。」之後同樂仔一樣行去利園方向,再去停車場,上咗樂仔架林寶堅尼,兩人同車離開。

一眾記者走去車頭影相,樂仔話:「咁樣會車到你哋。」出到門口樂仔見記者影相有啲黑面,之後就喺灣仔兜圈,再上去Kary位於跑馬地嘅屋企,不過約11點樂仔就揸車走咗。



樂仔Kary拍拖已經通曬天,不過兩人仲係唔多想認咁。



樂仔落樓見到好多記者企定定影相。



之後樂仔送Kary返屋企,十分有風度。

夜會男友 吳雨霏塊面忽然變白

噚晚吳雨霏(Kary)同男友餘文樂喺開平道撐檯腳斷正,樂仔仲好有風度送女友返屋企,不過噚晚Kary唔知係咪化妝重手得滯,塊面忽然變白,平時佢塊面嘅膚色都係小麥色o架嘛,依家白到咁,好唔自然喎!唔通樂仔鍾意女仔白啲?

而噚晚,樂仔畀人影完相後,就係微博發火:「剛和她(吳雨霏)食飯被一群記者一湧而上,不停影相。影其實真係冇問題亦冇所謂,但點解要欄住我架車呢?點解要突然衝出來呢?」

樂仔續寫道:「我承認我有點生氣,但我知如果我有脾氣結果只會更慘,所以最後我選擇忍受然後報以一個微笑離去……」

餘文樂吳雨霏香港拍拖斷正

真係好白。



.餘文樂吳雨霏香港拍拖斷正
http://hittt.blogspot.com/2013/04/blog-post_4025.html
Related Posts Plugin for WordPress, Blogger...