高皓正 幫栢芝驅「鬼仔」

探熱針

高皓正　幫栢芝驅「鬼仔」

一時信耶穌，一時拜信觀音，滿天神佛的張栢芝，當年為增強姻緣、事業運，有指她走偏門供奉「鬼仔」，本來一直事事如意，但近年頭頭碰着黑，跟謝霆鋒離婚，又成為票房毒藥，身價插水式下滑，懷疑遭「鬼仔」玩返轉頭；於是託泰國高人化解，可惜搞極唔掂，惟有再次轉投基督教，透過朋友向有「高主教」之稱的高皓正求助，為她驅走四隻「鬼仔」。

養出禍

○三年一度信耶穌的張栢芝，返教會三分鐘熱度，好快便改投泰國神佛懷抱，身上經常掛滿佛牌，有指她為求增運，甚至到泰國供請「古曼童」（俗稱鬼仔）返家供奉。

「以前佢舊居發現有鬼，栢芝冇搵人捉，反而話當養多隻，當時佢有間房用嚟拜神，為免影響小朋友，仲唔俾 Lucas同 Quintus入去。」知情人士說。

鬼仔唔怕多，栢芝往後更專程到泰國請多兩個「古曼童」返香港，為加強運勢，栢芝又不時飛往泰國，找高人為「古曼童」加持。養鬼仔後，雖然事業一度暢旺，但近年開始諸事不順，電影部部仆直，人氣和身價均低處未算低，有人懷疑「鬼仔」失控，開始唔聽「主人」話。

耶穌幫你搞掂。（設計對白）

前年與霆鋒鬧婚變期間，栢芝曾到泰國求拜筍笛佛保婚姻，更將佛牌掛在身上。

近年經常被 fans發現拖埋囝囝到泰國的栢芝，有傳是因她要為供養的「古曼童」，定期到泰國加持增法力。

遇神棍呃錢

「栢芝去過泰國搵高人幫手，不過對方拒絕咗；佢先託細佬栢文喺香港搵高人幫手，點知嗰啲所謂高人，唔係搞唔掂班鬼仔，就係神棍呃錢，仲試過用十五萬買的假嘢返嚟驅鬼。」栢芝好友透露。

不安的栢芝，決定再次重返教會，還透過朋友向最近被封為「高主教」的高皓正求助。

據知，做過藝人的高皓正，不時向圈內人傳教，近年還開設基督教服務中心 Hot Culture，專門服侍藝人，早前他在 Facebook自爆成功為女藝人驅鬼，聲稱在對方家中拆除風水物品，並以禱告驅走邪靈。上週六（三月三十日），記者致電高皓正，求證栢芝向他求救驅鬼，當時他表示不在香港，並說：「 Sorry，呢方面唔回應喇！」

03年失戀栢芝一度拉埋阿媽跟禦用髮型師 Kevin Koo返教會，還跟牧師到書室買《聖經》，但當時對信仰只係三分鐘熱度，轉頭就拜到滿天

神佛。

近年高皓正積極向藝人傳道。早前何超盈鬧出銅鑼灣迷魂事件，他即在 fb召集信徒為對方祈禱。

插水價出騷

被「鬼仔」纏身的栢芝，拍戲冇運行，連商演活動亦買少見少，最近更要降價接騷搵銀。早前內地江蘇衞視搞明星跳水騷，由於出手闊綽，吸引不少台星港星踴躍參加。電視台雖然主動邀請張栢芝，但她一度獅子開大口，幾乎見財化水。

「栢芝為求做得成，後來以插水價四十萬人仔接嚟做，對方見平咗咁多，先改變初衷，俾番佢做，不過打對台嘅跳水騷，阿 Sa（蔡卓妍）收足二百萬人仔，身價差天共地。」知情人士說。

吳建豪與栢芝拍住上跳水，希望成功搶收視，撼贏對台的藝人對手。

為挽事業，曾以千萬片酬接戲的張栢芝，為急救下滑的人氣，有傳不惜降價接內地跳水節目，並搏命練習。

與栢芝跳水節目打對台的阿 Sa，在內地成績穩步上揚，故跳水身價有傳比對方高出幾倍。

四月二日，狄波拉和老公鬍鬚 Kong現身機場，更有兒子謝霆鋒同行，一齊出發往外地旅行。

高主教

香港中文大學哲學系畢業的高皓正， 02年出道時曾被封「中大謝霆鋒」，曾參演過無綫青春劇《四葉草》，節目主持及從事音樂工作。 99年讀大學期間，曾捲入三角戀，與女友發生關係卻遭控告強姦，事後獲撤銷控罪。 10年，與醫生女友結婚，去年二月誕下一女。

虔誠基督徒高皓正，近年致力向藝人傳教，並經常發表出位言論，去年炮轟主題公園鼓吹冥婚；今年則發表「戒自瀆」論，遭網友指其偽善。我行我素的高皓正最近又自爆為女藝人驅魔，而被網友戲稱為「高主教」。

撰文、攝影：娛樂組

mailto:nextb@nextmedia.com

. 高皓正　幫栢芝驅「鬼仔」
http://hittt.blogspot.com/2013/04/blog-post_7917.html