2013年4月16日星期二

賀志偉　眾星癲喪迪士尼

賀志偉　眾星癲喪迪士尼

【眾星癲喪迪士尼】直擊學友豆鬥唱粗口歌

【香港迪士尼】曾志偉前晚在迪士尼樂園酒店搞60大壽派對狂歡，由於前輩陳寶珠畀面到賀，志偉未敢放肆飲酒，直至晚上9時半他送走寶珠姐後，志偉即回復真我個性，不但喪隊酒例牌變醉貓，更率歌神張學友、影帝梁家輝、邱淑貞、鍾鎮濤和謝天華等齊唱粗口歌詞：「×你老味，××你！」鍾鎮濤和上山詩鈉犯禁煲煙，梁家輝更劈酒劈到嘔，越夜越瘋癲，將童話世界迪士尼反轉變成人樂園！

採訪、攝影：陳辰、吳耀輝、李志明

學友豆鬥唱粗口歌

曾志偉前晚在迪士尼樂園酒店舉行「志在開心Super Party」賀60歲，不少老友畀面到賀，志偉和好友們越夜越瘋癲，將現場變舞台排隊高歌，醉意甚濃的志偉率領張學友、梁家輝、沈嘉偉和邱淑貞（豆鬥）夫婦、範薑、上山詩鈉、苗僑偉、杜德偉、謝天華和陳國熹等合唱粗口歌，鍾鎮濤和彭健新彈結他，音樂響起披頭四（The Beatles）名作《Don't let me down》，志偉等人竟然大大聲唱出粗口：「×你老味，××你！」歌神學友、影帝梁家輝都拋開身份高歌，初時人母邱淑貞表現顧忌只伴舞，最後都融作一團大唱：「×你老味，××你！」兩句粗口唱足幾分鐘，杜德偉老婆更在台下舉粗口手勢落力和應。

■曾志偉前晚在迪士尼樂園酒店慶祝生日，率群星高唱粗口歌「×你老味，××你！」杜德偉老婆在台下high爆舉中指。

爆粗鬧埋阿佘

醉到迷迷糊糊的志偉，更連環爆粗先×人唔畀面：「好多謝各位來賓嚟到呢個派對，啲人戇×，竟然有啲人要求唔×嚟，同埋早走咗嘅，我都唔×明白，我只係同佢講：×你老味！」之後再辣埋佘詩曼，志偉說：「阿佘平時粗口咁流利，叫你上台唱又唔唱，真係嘥×曬，×你老味，一齊畀句阿佘：×你老味。」最後高叫：「以後呢首歌成為會歌。」