探熱針
全面引退 港大讀英文 陳慧珊返美國教書
2012年11月01日曾經是當家花旦的陳慧珊（ Flora），○九年返無 綫與馬德鐘合作《搜下留情》後，便消失幕前，本來答應接拍《衝上雲霄 2》，亦臨時甩底。
老公破產，盛傳要拍劇養家的陳慧珊，原來計劃有變。今年九月，她考入香港大學修讀英文碩士學位，唔做明星做學生，目的為將來返美國教書鋪路。一心一意退出幕前，離開娛樂圈。
甩底陪女
自從丈夫鍾家鴻（ Mike）年初宣布破產，一直盛傳陳慧珊會復出拍《衝上雲霄 2》賺錢養家，到劇集正式開拍，始知她埋門一腳辭演。
「價錢、時間乜 嘢都傾好，但臨開拍前兩個幾月， Flora話套劇要周圍飛，陪唔到個女，所以推 咗。無 綫對佢其實好好，每次有新劇開都想搵佢返 嚟，就算今次臨時甩底，公司都無嬲佢。」一名無 綫工作人員說。
返美定居
三年無拍劇，連搵快錢的公開活動亦寥寥可數。原來陳慧珊對一家三口的將來，已有另一套計劃。
「 Flora一向都鍾意簡單平淡嘅生活，拍劇做藝人做 咗十年，佢覺得乜都夠，自從生 咗 Mira之後，更加無心戀戰，淨係想俾曬所有時間陪個女，佢而家喺港大讀英文，讀完之後可以教書，等 Mira再大少少，就會一家三口返美國定居，一來 嗰邊 嘅教育冇咁大壓力，二來 Flora可以 喺美國搵份教師工作，過番啲安穩生活。」 Flora身邊好友說。
港大讀兩年
上週三（十月二十四日）傍晚，陳慧珊離開薄扶林屋企，獨自駕車直駛香港大學，泊好車後直上課室上堂，到晚上九時，才往停車場取車離開。
對於準備全面引退幕前，返美國定居等問題，她笑著說：「唔好意思，我趕時間唔講咁多喇，總之我要 喺度讀兩年啦， bye bye！」陳慧珊去意已決。
張燊悅全級考第一
陳慧珊重返校園外，○七年與教育局前政治助理楊哲安結婚的張燊悅（ Nicola），誕下大女 Lucy和 Lily後，亦於港大修讀 Master of Science in Environmental Management（環境管理學），去年更以全級第一名畢業。
「我佗細女時開始讀，揀呢科係想將來可以學以致用。」
