新女上場
梁詠琪簽新女 胥力文高過老細
2012年11月01日愈來愈多藝人自組經理人公司，好似劉德華、黎明、陳奕迅、任賢齊等，最新鮮滾熱辣的就有嫁 咗個西班牙老公的人妻梁詠琪。可能她對高妹情有獨鍾，公司 Gmajor頭炮便簽了個比她更高，有五呎十一吋的上海名模胥力文，作為她旗下首位藝人。
但要在這個餅印五官、個個心口大過頭的模橫行年代跑出，擁有標準 model身形、冇乜身材的胥力文坦白地說：「我係高呀，仲要係特別高，咁大家咪好易記得我囉。」
有緣
早在○四年，胥力文與梁詠琪已經在北京的 Ferragamo活動上見過面、傾過偈，後來經朋友介紹，二人一拍即合，簽了五年合約，不過更巧合的是胥力文原來與梁詠琪同月同日生日，雖然她證件上的出生日期寫著三月廿六日，「係我媽咪同我講我係三月廿五號出世，但拎出世紙 嘅時候佢搞錯 咗，於是所有證件都係呢個日子，如果改番又好麻煩，所以一路冇改，都幾搞笑。」
作為一個新人來說，廿七歲未免「年紀大 咗 啲」，她十六歲開始做 model，有十一年的天橋經驗，是多個國際品牌如 Chanel、 Dior、 Roger Vivier等的寵兒，亦曾在法國羅浮宮行過騷，現在只是從模界跳到另一範疇，嘗試 model以外的事情，例如笑容，「 model影相好多時唔笑，但而家唔笑 啲人可能會覺得你扮 嘢，所以我 喺屋企經常對住塊鏡練習。」當然她亦有其他新人沒有的經驗，如拍戲、廣告。
論盡天王
拍廣告，與她合作過的都卡士強勁，○四年擔任上海灘全球代言人，拍攝廣告的正是王家 衞禦用攝影師夏永康，當時夏永康大讚胥力文甚有張曼玉的影子，因而得到「模界張曼玉」稱號，「我都係聽人講番先知，其實 嗰陣時係第一次同佢合作，知道佢好出名，所以都有 啲壓力。」同年，黎明揀中胥力文拍電訊廣告，拍攝期間，黎明對她十分照顧，「佢出去食 嘢，會叫我一齊出去食，都幾照顧。」她亦發覺黎明風趣的一面，她笑著說：「廣告入面我要摑佢一巴，我唔夠膽，佢叫我真摑，摑 咗三次後，導演話用前兩次，跟住黎明話：『但係導演，呢嚇（最後一下）最痛喎，真係唔用呢次呀？』好搞笑。」
電影《再說一次我愛你》，對手是劉德華，「佢唔係好 chok，拍戲時佢有玩魔術俾我 哋睇。電影宣傳時佢都好照顧我，譬如記者冇問我 嘢，佢走時拖住我同記者講：『你 哋一條問題都唔問佢。』感覺好舒服， 嗰一刻好感動。」與張學友的合作，是拍攝《講你知》 MV，她說記憶中的張學友很忙，「拍緊 MV期間佢要去開會，佢拍 咗自己先，跟住走 咗，等佢開完會返 嚟 嘅時候就一齊拍，佢好 nice，我問佢可唔可以影合照，佢話得，我話：『但係我呢邊面靚，可唔可以企另外一邊？』佢都滿足我呢 啲要求，哈哈哈，佢話：『我都係呢邊靚喎。』好好笑。」
失蹤
少年得志，一輪「攻勢」後銷聲匿跡，「好多人覺得我拍完戲之後會留 喺香港，但我冇，上海 啲人以為我去 咗香港，香港 啲人又以為我返 咗上海，加上一直都係我個朋友幫我接 job，咁就好多人搵我唔到，變 咗 嘥 咗年幾時間。」她說初時沒太大的失落感，因為在這一年多的時間，她在上海買了屋，忙收樓、忙裝修，忙完過後，她開始覺得不可以這樣下去，於是找機會「蒲頭」，「去 event、發覺原來大家以為我 喺外國、有 啲人仲以為我 喺日本！大家知道我返 咗 嚟， 啲 job就開始慢慢返 嚟。」
說胥力文是上海名模，但其實她只在上海住了十一年，「阿婆、父母、爺爺 嫲 嫲都係東北人，因為父母 喺山東做 嘢，我先 喺山東煙台出世，所以我會話自己係東北人，每一次過中國年我 哋都係返去東北。」胥力文是家中獨女，父親是籃球老師，曾在市政府工作、母親陳秀清是著名的鋼琴老師，範冰冰、北京中央音樂學院及上海音樂學院中的一些老師亦是她的學生。
十五歲時，母親帶她去考大連的模特兒學校，考試一 take過，胥媽媽見咁容易，就去北京上海找機會，最後在上海落腳，胥媽媽找了當時上海一間 model公司的老師，私人教授胥力文的形體、台步等，「上海好多弄堂，類似北京 嘅胡同，我每晚行三個鐘，因為日頭要讀書，所以唯有夜晚行，半年已經行爛 咗對高 踭鞋。」
十一年的模特兒生涯，胥力文最難忘是五年前的北京 fashion week，「我行返入後台前隻鞋卡住 喺條罅，我叫下一個出場 嘅 model踢番隻鞋入 嚟，點知佢用一個剷球 嘅動作踢鞋，因為個台好黑，觀眾見唔到我甩鞋，但就應該睇到個 model踢鞋囉，哈哈哈。」
