探熱針
短命《爆週》 查小欣卸責怪內鬼
2012年11月01日無綫人棄我取，接收商台棄將查小欣主持《爆足一周》，播四集鬧足四集，唯有壯士斷臂，成為無綫史上最「短命」綜藝節目！據知，撲槌腰斬前一刻，查小欣不但未有反省，還懷疑有內鬼放料搞針對。
聞到味
《爆足一周》短壽，死因有目共睹！
「大家預咗有料爆，點知全部過唔到法律部嗰關，製作部又冇人孭飛，咪唯有炒舊料，搞到俾人鬧到反艇！」一名無綫友說。
《爆足一周》變《遲足一周》，但餘詠珊仍硬撐查小欣。
「皇太後（餘詠珊）同班主持講，有人鬧，即係有 noise有人睇，仲落埋場，一齊開會度橋。」
觀眾經遙控器投票結果，第二集收視再插穀底，此後，餘詠珊再沒有現身會議；大家已心感不妙。
據知，腰斬令早於上週五（十月二十六日）已經通知查小欣，不過在節目播映前，她只預先通知與他有交情、任職雜誌的翟浩然，其他主持全被蒙在鼓裡。「查小欣覺得節目俾人咁鬧法，係有人存心針對，仲懷疑班主持入面有二五仔。」
急召蘇民峰
腰斬決定由無綫管理層開會議決，李寶安等更落令立刻度新節目頂替。
「蘇永康嗰集出咗之後，班老細已經覺得好有問題，餘詠珊（製作總監）都唔敢再撐落去，上個禮拜已經 call咗蘇民峰做新節目。」
對於查小欣聲稱明年會捲土重來，節目監製 衞世輝不置可否說：「停節目可以好快，但部署新節目就需要時間，暫時仲未知道，大方向都應該偏向娛樂嘅。」
至於被無綫 㩒救命鐘的蘇民峰，亦承認在一個星期前接到無綫通知。
「係之前《食得峰騷》個監製搵我，都好急嚇，不過節目內容喺曬我個腦入面，會講十八區風水，嚟緊禮拜五正式開工拍喇！」臨急臨忙吹雞，連拍檔主持仍未有定案，蘇民峰稱暫時會搵上次為收費台拍《民峰學院》班學生頂住先，實行邊走邊唱。
絕無僅有
無綫腰斬綜藝節目，絕無僅有，極其量是將節目調離原有時段，例如多年前的《有招出招》，由於難招募參賽者，須改播出時間。腰斬節目歷史上僅在 80年甘國亮監製、杜琪峰編導、王家 衞有份編劇的劇集《輪流傳》，原定八十集的長劇，卡士全部是當時得令的藝員，包括鄭少秋、李司棋、鄭裕玲、李琳琳等。劇集播出後，卻被對手麗的電視的《大地恩情》打到落花流水，無綫唯有腰斬劇集，立即推出王晶監製的《千王之王》迎戰，收復失地。
