2012年12月28日星期五

黃日華一哥巡舖

2012年12月28日

電視風雲愈閙愈大，有報道仲話政府遲遲未發牌俾王維基嘅原因，原來係要保住一直為國家發聲嘅亞視免執笠。姑勿論幾時有牌在手， the show must go on，王維基繼續燒銀紙拍劇。

據知「香港電視」向來人工高兼休息時間充足，所以即使一哥黃日華拍緊《開腦儆探》，都未必日日開工。早前媽咪姐就喺九龍城撞到佢去藥房買眼藥水，跟住去附近嘅雜貨店同女店員吹水，優哉遊哉咁又一 day。見到黃日華咁寫意，媽咪姐都好想問嚇王維基仲請唔請人㖭。

黃日華去到藥房除咗買眼藥水外，仲不停𥄫住啲紙巾，好似做咗精明眼咁，逐款格價！

之後去雜貨店吹水，睇嚇嗰位女店員笑得咁開心，就知今年 51歲嘅黃日華寶刀未老，呢啲咪叫觀眾緣囉。