2013年1月3日星期四

張栢芝自願「輪姦」

2013年01月03日

先排有報導指張栢芝帶埋兩個仔去主題公園玩，見到港人舉機即刻發爛渣，話人影佢兩張相，等於強姦咗佢兩次。

一條心只係想搵人仔嘅張栢芝，返到國內態度即刻變曬。上個禮拜佢應東方衞視邀請，去上海為節目《媽媽咪呀》擔任嘉賓，一落機就俾廿幾三十個強國粉絲包圍影相簽名送禮，張栢芝笑容似執金，冇投訴俾人集體輪姦。

之後去電視台錄節目，張栢芝繼續發表母愛論，講自己比較偏心大仔 Lucas，又話將來遇到第二春，唔介意生多三四個，因為佢由八歲開始，已經立志做人阿媽。

鍾意湊仔做媽咪，八珍對呢方面冇懷疑，但身為家長，身教最重要，但閣下對同一件事兩種態度嘅作風，用嚟教仔，唔多 OK喎！

強國 fans送上成個人咁大嘅馬騮公仔，張栢芝笑曬照收。

與七位媽咪一齊上台分享同子女相處感人事，栢芝向其中一位比較年長嘅媽咪送上愛的抱抱。

來自台灣嘅主持人蔡康永，送上新書俾張栢芝，仲祝佢早日搵到第二春再生 BB。