搜尋此網誌

2013年1月3日星期四

[壹週刊]上山信唔過 劉嘉玲接手幫王菲湊女

一度戒煙養好身體想生 BB的嘉玲,除夕夜做番煙民,在廚房扯煙飲紅酒傳短訊。


探熱針

上山信唔過 劉嘉玲接手幫王菲湊女

2013年01月03日

眨嚇眼十五歲的竇靖童,大個女有自己社交圈子,除夕倒數,她撇低天後阿媽王菲,留港與上山詩鈉女兒 Hilary敍舊。

去年除夕,兩姊妹約埋一齊過,阿菲吩咐上山幫手湊女,可惜 auntie開 party飲到爛醉,反而要童童照顧番轉頭。為免事件重演,今年阿菲將監護人重任,交給另一位好姊妹劉嘉玲接手。

放大圖片

同王菲份屬好友的嘉玲,與竇靖童一向有偈傾,今次主動做中間人,協調兩母女的分歧,讓童童可以留港過除夕。

放大圖片

今年由嘉玲照顧的竇靖童,除夕夜陪上山 auntie食風煲煙。

所託非人

集母親王菲靚聲與父親竇唯音樂才華的竇靖童,上月中上載自創英文歌《 With You》到微博,獲網友 like爆。十五歲女能寫能唱,童童大個女,黐住媽咪定係出街玩有權自己話事。據了解,童童在傳言是世界末日的十二月二十一日,一家人去完印度朝聖參加法會後,便獨自來香港,與由細玩到大的上山詩鈉女兒 Hilary一齊過除夕。

過去幾年,阿菲總會交託上山幫手照顧女兒,不過經歷去年除夕,上山帶住兩個細路參加曾志偉派對,還飲到爛醉企都企唔穩,要自己個女和童童幫手照顧醉貓 auntie,於是一直反對女兒今個除夕再來港。

「阿菲都知上山爛玩又易醉,以前童童細就話無所謂,而家大個女,梗係怕佢有樣學樣受影響啦!不過童童係都要嚟香港見 Hilary,阿菲都唔想太過強硬。」阿菲的友人透露。

夾啱時間,習慣到外地滑雪迎接新一年的劉嘉玲,因為老公梁朝偉仲要為《一代宗師》做後期,焗住留港消費,有見及此,阿菲順勢將童童香港監護人重任,交到近年去飲去玩都十分克制的劉嘉玲手上。

放大圖片

上月中王菲帶埋兩個女兒竇靖童同李嫣加趙薇一家,到印度出席法會。

放大圖片

與上山女兒 Hilary是讀幼稚園同學的竇靖童,即使移居北京多年,兩人仍保持聯絡。

放大圖片

上山詩鈉一向爛蒲爛玩,年前 47歲生日派對,醉住攬錫表弟張智霖,儀態盡失。

放大圖片

一年到晚四圍飛的嘉玲,吹雞開 P,並熱情向友人送上熊抱。

食番煙

答應做保母的嘉玲,本週一(三十一日)在山頂大宅搞倒數派對,席上客包括上山母女、杜德偉兩公婆、呂方、吳廷燁同 B哥鍾鎮濤等。

晚上七時,一度為生仔而戒煙的嘉玲,擔住煙仔、揸住酒杯,在廚房指揮外傭預備食物。至於無事忙,一早就到的呂方,就頻頻走出露台扯煙搞電話。

踏正十二時,嘉玲、偉仔同一班老友睇住電視直播倒數,眾人興奮狂叫,之後 B哥即興攞起結他,自彈自唱多首 Beatles老歌娛賓。之後,飲到 high high哋的偉仔,帶住歎緊雪茄的 B哥,走到車房試坐他的 C63百萬戰車,在只有十度的低溫下,傾車經。淩晨一時半,朝偉媽、杜德偉同仲行到直線的上山詩鈉帶頭離開,半個鐘後,飲到腳步浮浮,走 S步的吳廷燁單拖行出大宅,截的士歸家。至於其他賓客,就到淩晨四時多才陸續散去。

放大圖片

天寒地凍,飲到咁上下的偉仔同擔住雪茄的 B哥坐上車講車經。

放大圖片

除了吳廷燁,當晚偉仔還宴請了杜德偉以及 B哥同呂方出席。

放大圖片

呂方不時走出露台煲煙傳短訊,連好友杜德偉撩吹水都唔多有反應。

放大圖片

梁朝偉名下的坐駕不多,但架架貴氣十足,單是 08年結婚時購入的白色 Benz C63,已經市值過百萬。

放大圖片

當晚朝偉媽都有份同班後生一齊倒數,不過老人家唔慣夜瞓,玩到一點幾,先行離開。

繼承衣鉢

放大圖片

上月中竇靖童上載她的原創作品《 With You》到微博,一鳴驚人。

十五歲的竇靖童盡得媽咪王菲靚聲,加上對音樂有濃厚興趣,是學校樂隊及合唱團成員。前年,李亞鵬出席「嫣然天使基金」探訪活動,當時只有 13歲的童童上台開金口,獻唱一曲《 Need You Now》,贏得全場掌聲。有指童童一心承繼母親衣鉢入行做歌手,更秘密練歌,早前,她在自己的微博上載了一首原創英文歌《 With You》,獲五萬網民瘋狂轉發,大讚童童歌藝,阿菲亦在微博讚好鼓勵愛女。至於李亞鵬,亦讚童童有潛質:「非常清晰地說要做歌星,我們不會阻攔她。」



.[壹週刊]上山信唔過 劉嘉玲接手幫王菲湊女
http://veryy8.blogspot.com/2013/01/blog-post_3003.html
Related Posts Plugin for WordPress, Blogger...